Адраджэнне (выдавецтва)

У паняцця ёсць і іншыя значэнні, гл. Адраджэнне (значэнні).

«Адраджэ́нне» — беларускае кааператыўна-выдавецкае таварыства, заснаванае ў сакавіку 1922 года ў Менску. Таварыства ставіла перад сабой асветніцкія задачы і мела на мэце выданне мастацкіх твораў і падручнікаў для беларускіх школ.

Адраджэнне
Тып	Акцыянернае таварыства
Заснаванне	красавік 1922
Скасавана	снежань 1922
Краіна	Беларусь
Размяшчэнне	Мінск
Адрас	Менск
Ключавыя постаці	Антон Баліцкі , Сцяпан Некрашэвіч, Язэп Дыла
Галіна	Выдавецкая
Прадукцыя	Кнігі, літаратурна-навуковы веснік «Адраджэнне»

Гісторыя

Выдавецтва паўстала па ініцыятыве Акадэмічнага Цэнтра ў складзе: народны камісарыят асветы (5704 паі), Цэнтрабелсаюз (2852 пая), Наркамзем (100 паёў), Народны камісарыят унутраных спраў (25 паёў), Цэнтрабелсельгас (25 паёў), Беларускі Акадэмічны Тэатр (25 паёў) і прыватныя асобы (7 паёў). Пай лічыўся па 10 рублёў золатам. Выдавецтвам было выдадзена 15 кніжных найменняў, адзін нумар часопіса «Адраджэнне»^[1]. Кнігарня выдавецтва размяшчалася ў былым гатэлі «Еўропа» на Губернатарскай вуліцы. Кнігі прадаваліся ў Ігумене, Слуцку, Бабруйску, Барысаве, Віцебску, Гомелі і Маскве.

Цэнтральны камітэт КПБ заўважыў у артыкулах часопіса «Адраджэнне» пра адраджэнне беларускай культуры і літаратуры антысавецкі напрамак, і дзеля ўзмацнення кіраўніцтвам выдавецтва «Адраджэнне» ператварылі ў кааператыўна-выдавецкае таварыства «Савецкая Беларусь», якому планы выдавецкай працы замацоўваліся Агітацыйна-прапагандысцкім аддзелам ЦБ КПБ. План складаўся з трох частак: школьныя падручнікі і навуковая літаратура; палітычная літаратура; мастацкая літаратура^[2][3].

Кіраўнікі

• Антон Баліцкі (1891—1937) — старшыня праўлення.
• Сцяпан Некрашэвіч (1883—1937) — заступнік старшыні на правах дырэктара Таварыства.
• Язэп Дыла (1880—1973), Біруля, Валадкевіч — члены праўлення.

Бібліяграфія

• Адраджэньне: літаратурна-навуковы весьнік Інстытута Беларускай Культуры / рэдактар Язэп Лёсік. — Менск: Беларускае кааперацыйна-выдавецкае таварыства «Адраджэньне», 1922. — Т. Сшытак 1. — 330 с. — 1 000 экз.
• Багушэвіч, Францішак. Дудка беларуская ; Смык беларускі / прадмова: Максім Гарэцкі. — Менск: Беларускае кааперацыйна-выдавецкае таварыства «Адраджэньне», 1922. — 92 с. — 3 000 экз.
• Зоркі — Беларуская дзіцячая часопісь. — Менск: Беларускае кааперацыйна-выдавецкае таварыства «Адраджэньне», 1922. — 52 с. — 1 750 экз.
• Валасковіч С. і Лукашэвіч Т. Зборнік арытмэтычных задач. Ч. І. — Менск: Беларускае кааперацыйна-выдавецкае таварыства «Адраджэньне», 1922. — 122 с. — 15 000 экз.
• Валасковіч С. і Лукашэвіч Т. Зборнік арытмэтычных задач. Ч. ІІ. — Менск: Беларускае кааперацыйна-выдавецкае таварыства «Адраджэньне», 1922. — 152 с. — 10 000 экз.
• Валасковіч С. і Лукашэвіч Т. Методыка арытметыкі. — Менск: Беларускае кааперацыйна-выдавецкае таварыства «Адраджэньне», 1922. — X, 176 с. — 2 000 экз.
• Кармовыя расьліны «сэрадэля» й «пялюшка» / Народны камісарыят земляробства ССРБ. — Менск: Беларускае кааперацыйна-выдавецкае таварыства «Адраджэньне», 1922. — 16 с. — 5 000 экз.
• Колас, Якуб. Водгульле : вершы. — Менск: Беларускае кааперацыйна-выдавецкае таварыства «Адраджэньне», 1922. — 4, 107, ІІІ с. — 3 000 экз.
• Купала, Янка. Спадчына. — Менск: Беларускае кааперацыйна-выдавецкае таварыства «Адраджэньне», 1922. — 221 с. — 4 000 экз.
• Лёсік, Язэп. Практычная граматыка. Ч.1, Асноўныя правілы беларускага правапісу з практыкаваннямі. — 2-е выданьне пераробленае. — Менск: Беларускае кааперацыйна-выдавецкае таварыства «Адраджэньне», 1922. — 98 с. — 20 000 экз.
• Лёсік, Язэп. Практычная граматыка. Ч. 2: Кароткі курс этымалогіі і сінтаксу. — Менск: Беларускае кааперацыйна-выдавецкае таварыства «Адраджэньне», 1922. — 314 с.
• Маладая Беларусь : навукова-літаратурны зборнік. Бюро беларускіх студэнцкіх арганізацый у Маскве. — Менск: Беларускае кааперацыйна-выдавецкае таварыства «Адраджэньне», 1922. — Т. Сшытак 1. — 83, 3 л. карт с. — 2 000 экз.
• Некрашэвіч С. Роднае слова : другая пасля лемантара кніга да чытання / пад рэдакцыяй Сьцяпана Некрашэвіча. — Менск: Беларускае кааперацыйна-выдавецкае таварыства «Адраджэньне», 1922. — 161 с. — 22 000 экз.
• Чарот, Міхась. Босыя на вогнішчы : Паэма з 10-ма малюнкамі і з крытычным нарысам Ў. Ігнатоўскага і артыкулам В. Кнорына / Малюнкі М.Філіповіча. — Менск: Беларускае кааперацыйна-выдавецкае таварыства «Адраджэньне», 1922. — 48 ст. тэксту + 20 ст. малюнкаў с. — 10 000 экз.
• Янчук, Мікалай. Нарысы па гісторыі беларускай літаратуры : старадаўні перыяд : (курс прачытаны ў Маскоўскім універсітэце) / пад рэдакцыяй Уладзімера Дзяржынскага. — Менск: Беларускае кааперацыйна-выдавецкае таварыства «Адраджэньне», 1922. — 118 с. — 3 000 экз.
• Ясакар. Пад родным небам : зборнік вершаў. (З году ў год ; Грымоты й цішы ; Зачарованы край). — Менск: Беларускае кааперацыйна-выдавецкае таварыства «Адраджэньне», 1922. — 134 с. — 3 000 экз.