Беларуская акадэмія архітэктуры

Беларуская акадэмія архітэктуры (БААрх) — прафесійная грамадская арганізацыя беларускіх архітэктараў, якая займалася пытаннямі тэорыі архітэктуры, распрацоўкай стратэгіі і сувяззю архітэктуры з будаўнічай навукай і дызайнам. Не з’яўлялася дзяржаўнай акадэміяй навук, існавала на правах грамадскага аб’яднання.

Гісторыя

Беларуская акадэмія архітэктуры была створана на агульным сходзе 15 лютага 1996 г. і была зарэгістравана Міністэрствам юстыцыі 27 траўня 1996 г. 14 лістапада 1999 быў прыняты новы Статут (зарэгістраваны Міністэрствам юстыцыі РБ 18 лютага 2000), а 25 траўня 2000 Беларуская акадэмія архітэктуры была прынята пад эгіду Міжнароднай акадэміі архітэктуры.

Выдавала часопіс «Вестник Белорусской академии архитектуры» (з 2007 — «Архитектура и строительные науки»^[1]).

З 2006 — грамадскае аб’яднанне «Беларускае грамадскае аб’яднанне архітэктараў і дзеячоў будаўнічых навук».^[2]

Некаторыя з акадэмікаў

• Георгій Васілевіч Сысоеў ^[3]
• Леанід Мендэлевіч Левін ^[4]
• Аляксандр Іванавіч Лакотка ^[5]
• Ала Васілеўна Сычова
• Георгій Уладзіміравіч Заборскі
• Аляксей Анатолевіч Андрэюк ^[6]
• Вальмен Мікалаевіч Аладаў
• Генадзь Паўлавіч Пастушкоў^[7]

Некаторыя з членаў-карэспандэнтаў

• Віктар Іванавіч Анікін
• Юрый Уладзіміравіч Чантурыя
• Ларыса Мікалаеўна Смірнова^[8]
• Барыс Сяргеевіч Косціч^[9]
• Арсеній Аляксандравіч Барысевіч

Некаторыя з ганаровых членаў

• Іван Іосіфавіч Леановіч

Зноскі

1. Перечень научных изданий Республики Беларусь для опубликования результатов диссертационных исследований в 2013 году Архівавана 27 сакавіка 2014.
2. БООАИСН, УНП 101563346
3. Сысоев Георгий Васильевич, Заслуженный архитектор БССР, лауреат Государственной премии Республики Беларусь, академик Белорусской академии архитектуры, член-корреспондент Петровской академии наук и искусств (Россия)
4. Умер Леонид Левин
5. Вопросы истории и культуры северных стран и территорий
6. Вечерний Брест — Кто есть кто Архівавана 23 жніўня 2010.
7. Неофициальный сайт кафедры «Мосты и тоннели» БНТУ Архівавана 29 лістапада 2015.
8. Смирнова Лариса Николаевна
9. Официальный портал Белорусской православной церкви — Воспоминания главного архитектора Костича Б. С.