Беластоцкі павет (Расійская імперыя)

У паняцця ёсць і іншыя значэнні, гл. Беластоцкі павет (значэнні).

Беластоцкі павет — адміністрацыйна-тэрытарыяльная адзінка ў складзе Беластоцкай вобласці і Гродзенскай губерні Расійскай імперыі, якая існавала ў 1808—1919 гадах. Цэнтр — г. Беласток.

Беластоцкі павет
Герб
Краіна	Расійская імперыя
Уваходзіць у	Гродзенская губерня
Адміністрацыйны цэнтр	Беласток
Дата ўтварэння	1808
Дата скасавання	1919
Насельніцтва (1897)	210 132
Плошча	2 904 км²

Гісторыя

Утвораны ў 1808 годзе ў складзе Беластоцкай вобласці, з 1842 года ў Гродзенскай губерні. У Першую сусветную вайну акупіраваны германскімі войскамі. Уваходзіў у склад Обер-Ост, дзе падзяляўся на сельскі і гараскі паветы і ўваходзіў у акругу Беласток—Гродна^[1].

У складзе павета былі заштатныя гарады Гонёндз, Кнышын, Сураж, крэпасць Асавец і 6 мястэчак: Гарадок, Заблудава, Супрасль, Трасцяны, Харошч і Ясянаўка.

Насельніцтва

Паводле ўсеагульнага перапісу насельніцтва Расійскай імперыі 1897 г. 34,0 % насельніцтва складалі палякі, 28,3% — яўрэі, 26,1% — беларусы, 6,7 % — рускія, 3,6% — немцы^[2].

Воласці павета

1897 г.

1. Абрубніцкая
2. Беластоцкая
3. Гарадоцкая
4. Дайлідская
5. Заблудаўская
6. Завыкаўская
7. Крыпнянская
8. Міхайлоўская
9. Прытулянская
10. Харошчаўская
11. Юхнавецкая
12. Ясвільская

Ураднікі павета

• Беластоцкія павятовыя маршалкі

Зноскі

1. Das Land Ober Ost: Deutsche Arbeit in den Verwaltungsgebieten Kurland, Litauen und Bialystok-Grodno. — Stuttgart — Berlin, 1917. — S. 432.
2. Труды Комиссии по изучению племенного состава населения СССР и сопредельных стран / Академия наук СССР. Т. 20. — Ленинград: Издательство Академии наук СССР, 1930. — С. 96.