Богаяўленская царква (Ашмяны)

Богаяўленская царква — былы драўляны праваслаўны храм у горадзе Ашмяны Гродзенскай вобласці. Знаходзілася на вуліцы Камсамольскай (былая Папярэчная).

Славутасць
Богаяўленская царква
54°25′23″ пн. ш. 25°55′56″ у. д.HGЯO
Краіна	Беларусь
Месцазнаходжанне	Ашмяны
Дата заснавання	1840

У Вікіпедыі ёсць артыкулы пра іншых людзей з прозвішчам Богаяўленская царква.

Гісторыя

Царква была драўлянай, пабудавана ў 1840 годзе на сродкі духоўныя. Аўтар праекта храма быў архітэктар Пётр Пятровіч Вісконці (Вісконці 2-гі).

Па адным звесткам перастала існаваць у канцы XIX стагоддзя, па другім (нямяцкая паштоўка), царква існавала яшчэ як мінімум у часы Першай сусветнай вайны.

З 1840 года па 1883 год царква была прыхадской, з пабудовай Васкрасенскай царквы пераведзена ў статус прыпісных.

У сярэдзіне 1920-х гадоў на месцы царквы быў пабудаваны дом для старасты.

Настаяцелі

З 1840 года па 1851 год протаіерэем быў Андрэй Сафоніевіч Чэрвякоўскі (1805—1876). З 1851 года па 1873 год протаіерэем быў Данііл Сцяпанавіч Пятроўскі (17 снежня 1822 — 29 снежня 1892). Па яго ініцыяціве была пабудавана Спаса-Васкрасенская царква ў Ашмянах^[1].

• 
  Праект храма 1833 год
• 
  Праект храма 1833 год
• 
  Праект храма 1833 год

Зноскі

1. Царква Богаяўлення Гасподняга ў Ашмянах