Ботаніцкі сельсавет

Бо́таніцкі сельсавет — былая адміністрацыйна-тэрытарыяльная адзінка ў складзе Віцебскага раёна Віцебскай вобласці. Цэнтр — вёска Ботанічы.

Ботаніцкі сельсавет
Краіна	Беларуская ССР
Уваходзіў у	Віцебскі раён
Уключаў	23 населеныя пункты
Адміністрацыйны цэнтр	Ботанічы
Дата ўтварэння	20 жніўня 1924
Дата скасавання	22 снежня 1960

Утвораны 20 жніўня 1924 года як Ботаніцкі (Стаработаніцкі) сельсавет у складзе Суражскага раёна Віцебскай акругі БССР. Пасля скасавання акруговай сістэмы 26 ліпеня 1930 года ў Суражскім раёне БССР, з 20 лютага 1938 года — Віцебскай вобласці БССР. З 20 студзеня 1960 года ў складзе Віцебскага раёна. 16 ліпеня 1954 года да сельсавета далучана тэрыторыя скасаванага Пышнікоўскага сельсавета^[1]. 22 снежня 1960 года скасаваны, тэрыторыя сельсавета далучана да Бабініцкага сельсавета (10 населеных пунктаў: Буева, Жабенцяі, Казанава, Кашалёва, Клішава, Максюткі, Мяльны, Палудзеткі, Прузы і Пышнякі) і Суражскага пассавета (13 населеных пунктаў: Белікі, Ботанічы, Гара, Засценкі, Зэздрына, Краскі, Крупадзёры, Падмошша, Пенклавічы, Прысушына, Рыбакі, Трушчы і Шавуры)^[2].

На момант скасавання ў склад сельсавета ўваходзілі 23 населеныя пункты.