Браніслаў Белаблоцкі

Браніслаў Белаблоцкі (1861, в. Астрашын, Слуцкі раён — 14 красавіка 1888, г. Варшава) — рэвалюцыянер-дэмакрат, сацыёлаг, літаратурны крытык^[2].

Браніслаў Белаблоцкі
польск.: Bronisław Białobłocki
Асабістыя звесткі
Дата нараджэння	1861[1]
Месца нараджэння	Мінск, Мінскі павет, Мінская губерня, Расійская імперыя
Дата смерці	14 красавіка 1888(1888-04-14)[1]
Месца смерці	Варшава, Царства Польскае, Расійская імперыя
Грамадзянства	Расійская імперыя
Альма-матар	Мінская мужчынская гімназія юрыдычны факультэт СПбДУ Імператарская Акадэмія мастацтваў
Прафесійная дзейнасць
Род дзейнасці	публіцыст, літаратурны крытык

Біяграфія

Нарадзіўся ў збяднелай шляхецкай сям'і^[3]. Скончыў Мінскую^[2], паводле іншых даных Слуцкую^[4] гімназію. Вучыўся на юрыдычным факультэце Пецярбургскага ўніверсітэта і адначасова ў Пецярбургскай Акадэміі мастацтваў. Удзельнічаў у рабоце гурткоў «Народнай волі». На фарміраванне яго светапогляду паўплывалі творы А. Герцэна, М. Чарнышэўскага, В. Бялінскага, М. Дабралюбава  (руск.)^[3]. З 1882 ў Варшаве, супрацоўнічаў з дзеячамі польскай рэвалюцыйнай партыі «Пралетарыят  (польск.)» (першы), вёў рэвалюцыйную прапаганду^[2].

Творчасць

Друкаваўся ў часопісе «Athenaeum» («Атэнэум»), га­зеце «Przegląd Tygodniowy  (польск.)» («Штотыднёвы агляд») У літаратурна-крытычных творах падкрэсліваў класавы характар літаратуры, патрабаваў рэалістычнага адлюстравання жыцця народа, заклікаў пісьменнікаў сваёй творчасцю служыць вызвалення працаўнікоў. У сацыялагічных даследаваннях з марксісцкіх пазіцый крытыкаваў так званую «арганічную тэорыю таварыства» Г. Спенсера, падкрэсліваў, што рухаючай сілай грамадства з'яўляецца класавая барацьба. Удзельнік гуртка, перакладаў «Капітал  (руск.)» К. Маркса на польскую мову.

Бібліяграфія

• Szkice społeczne i literackie / Oprac. S. Sandler. — Warszawa, 1961.
• Szkice literackie / Oprac. L. Krzywicki. — Warszawa, 1932.

Зноскі

1. Deutsche Nationalbibliothek Record #1036434133 // Агульны нарматыўны кантроль — 2012—2016. Праверана 7 сакавіка 2015.

   <a href='https://wikidata.org/wiki/Track:Q27302'></a><a href='https://wikidata.org/wiki/Track:Q36578'></a>
2. Белоблоцкий Бронислав // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 50. — 737 с.
3. БЕЛАБЛОЦКІ Браніслаў
4. Слуцкая гімназія ў 1871—1900 гадах