Бружмель татарскі

Бружмель татарскі^[2], Бружмень татарскі^[3] (Lonícera tatárica) — расліна роду Бружмель сямейства Бружмелевыя, дэкаратыўны куст.

Бружмель татарскі
Агульны выгляд расліны
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Варсянкакветныя Сямейства:  Бружмелевыя Род:  Caprifolioideae Род:  Бружмель Від:  Бружмель татарскі
Міжнародная навуковая назва
Lonicera tatarica L.
Сінонімы
Lonicera tatarica var. morrowii (A. Gray) Q. E. Yang, Landrein, Borosova & J. Osborne — Бружмель Марова[1]
Сістэматыка на Віківідах Выявы на Вікісховішчы ITIS   35306 NCBI   447676 EOL   488739 GRIN   t:22644 IPNI   149131-1 TPL   kew-2340703

Батанічнае апісанне

Бружмель татарскі — лістападны куст вышынёй 1-3 м.

Парасткі полыя. Кара маладых парасткаў жаўтлява-бурая, пакрытая дробнымі цёмнымі чачавічкамі; у старых парасткаў кара шэрая, адслойваецца палосамі.

Лісце яйкападобнае або даўгавата-яйкападобнае, 3-6 см даўжынёй, цэльнакрайняе.

Кветкі парныя, даўжынёй да 2 см, з двухгубым венчыкам белага або ружовага колеру, размешчаны ў пазухах лісця. Цвіце бружмель татарскі ў маі — чэрвені.

Плады шарападобныя, чырвоныя або аранжавыя, часта зрослыя парамі ў аснаванні, дыяметрам каля 6 мм, спеюць у ліпені — жніўні. Неядомыя, горкія на смак.

Распаўсюд і асяроддзе пражывання

У дзікім выглядзе расце на паўднёвым усходзе еўрапейскай часткі Расіі, у Сібіры, перадгор’ях Цянь-Шаня і Алтая^[4][5][6].

Прымяненне

Бружмель татарскі дзякуючы хуткаму росту і непераборлівасці часта вырошчваецца ў якасці дэкаратыўнага кустоўя. Асабліва дэкаратыўны ён падчас цвіцення і плоданашэння.

Мароза — і засухаўстойлівы, непатрабавальны да якасці глебы. Лёгка размножваецца насеннем і тронкамі. Існуе некалькі садовых формаў, якія адрозніваюцца афарбоўкай кветак, формай лісця і кампактнасцю куста^[7].

Добры майска-чэрвеньскі меданос. Мёд светлы, пылок бруднавата-жоўты^[8].

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 77. — 160 с. — 2 350 экз. - у крыніцы пад назвай Lonicera morrowii A. Gray.
2. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 77. — 160 с. — 2 350 экз.
3. Беларуская навуковая тэрміналогія: слоўнік лясных тэрмінаў. — Мінск: Інбелкульт, 1926. — Т. Вып. 8. — 80 с.
4. Деревья и кустарники СССР / Под ред. П. И. Лапина. — М.: Мысль, 1966. — С. 537.
5. Головкин Б. Н. и др. Декоративные растения СССР. — М.: Мысль, 1986. — С. 255.
6. Гроздова Н. Б. и др. Деревья, кустарники и лианы: Справ. пособие. — М.: Лесн. пром-сть, 1986. — С. 122—123.
7. Коновалова Т. Ю., Шевырёва Н. А. Декоративные кустарники, или 1000 растений для вашего сада. Иллюстр. справочник. — М.: Фитон+, 2004. — С. 86. — ISBN 5-93457-070-6.
8. Абрикосов Х. Н. и др. Жимолость // Словарь-справочник пчеловода / Сост. Федосов Н. Ф.. — М.: Сельхозгиз, 1955. — С. 106. Архівавана 7 студзеня 2012.