Брусельскі вольны ўніверсітэт (1834)

Не блытаць з Брусельскі вольны ўніверсітэт (1970).

Брусельскі вольны ўніверсітэт (фр.: Université libre de Bruxelles) — бельгійская дзяржаўная вышэйшая навучальная ўстанова са статусам універсітэта з сядзібай у горадзе Брусель. Навучанне вядзецца пераважна на французскай мове.

Брусельскі вольны ўніверсітэт
фр.: Université libre de Bruxelles
Арыгінальная назва	фр.: Université libre de Bruxelles
Дэвіз	лац.: Scientia vincere tenebras
Заснаваны	1834
Год рэарганізацыі	1970
Студэнты	31 606[1]
Краіна	Бельгія[2][3][…]
Размяшчэнне	Брусель
Сайт	ulb.be
Медыяфайлы на Вікісховішчы

У Бруселі сёння ёсць два ўніверсітэты, назвы якіх азначаюць у перакладзе «Брусельскі вольны ўніверсітэт»: франкамоўны (фр.: Université libre de Bruxelles) і нідэрландамоўны (нідэрл.: Vrije Universiteit Brussel). Ніводзін з іх не выкарыстоўвае англійскі пераклад сваёй назвы ў якасці міжнароднага найменавання для пазбягання блытаніны.

Гісторыя

Калі Бельгійская дзяржава была ўтворана ў 1830 годзе дзевяццю правінцыямі, якія аддзяліліся ад Каралеўства Нідэрландаў, у ёй было тры дзяржаўныя ўніверсітэты ў Генце, Льежы і Лёвене, але ніводнага ўніверсітэта ў новай сталіцы — Бруселі. Паколькі ўрад не жадаў фінансаваць новы дзяржаўны ўніверсітэт, група масонаў і інтэлектуалаў на чале з П’ерам-Тэадорам Верхагенам і Агюстам Баронам прапанавалі стварыць прыватны ўніверсітэт, што было дазволена Канстытуцыяй Бельгіі. Пасля таго, як у 1834 годзе Каталіцкая царква спансавала заснаванне Мехлінскага каталіцкага ўніверсітэта, 20 лістапада 1834 года адкрыўся Бельгійскі вольны ўніверсітэт. У 1836 годзе ён змяніў назву на сучасную.

З 1935 года некаторыя курсы выкладаліся як на французскай, так і на нідэрландскай мовах. Пачынаючы з 1963 года, усе факультэты прапаноўвалі курсы на абедзвюх мовах. У кастрычніку 1969 года, неўзабаве пасля моўнай спрэчкі ў Лёвенскім каталіцкім універсітэце, французская і нідэрландская грамады ўніверсітэта падзяліліся на дзве розныя ВНУ. З актам ад 28 мая 1970 года яны афіцыйна сталі двума асобнымі юрыдычнымі, адміністрацыйнымі і навуковымі суб’ектамі.

Структура

• Інстытут еўрапейскіх студый
• Міжфакультэцкая біяінжынерная школа
• Школа грамадскага здароўя
• Вышэйшы інстытут фізкультуры і кінезіятэрапіі
• Інстытут навук аб працы
• Інстытут статыстыкі і аператыўных даследаванняў
• Інстытут астраноміі і астрафізікі
• Школа эканомікі і менеджменту

Зноскі

1. http://www.cref.be/annuaires/2020/tab_1-4-2.pdf
2. Open Funder Registry — doi:10.13039/501100008367 Праверана 7 снежня 2017.

   <a href='https://wikidata.org/wiki/Track:Q19822542'></a>
3. Directory of Open Access Journals — 2003.

   <a href='https://wikidata.org/wiki/Track:Q1227538'></a>