Булянка

Булянка, Бродак — рака ў Беларусі, у Слонімскім раёне Гродзенскай вобласці і Івацэвіцкім раёне Брэсцкай вобласці, левы прыток ракі Грыўда (прыток Шчары, басейн Нёмана).

Булянка
Характарыстыка
Даўжыня	17 км
Басейн	92 км²
Вадацёк
Вусце	Рака Грыўда
Размяшчэнне
Водная сістэма	Грыўда → Шчара → Нёман → Балтыйскае мора
Краіна	Беларусь[1]

Гідраграфія

Даўжыня складае 17 км. Плошча вадазбору 92 км². Сярэдні нахіл воднай паверхні 0,8 ‰. Пачынаецца каля вёскі Баравікі Слонімскага раёна, цячэ па раўніннай мясцовасці, упадае ў Грыўду каля вёскі Грыўда. На ўсім працягу каналізаваная. Лясістасць тэрыторыі вадазбору 12 %.