Бялавіцкі сельсавет (Івацэвіцкі раён)

У паняцця ёсць і іншыя значэнні, гл. Бялавіцкі сельсавет.

Бяла́віцкі сельсавет — былая адміністрацыйна-тэрытарыяльная адзінка ў складзе Івацэвіцкага раёна Брэсцкай вобласці. Цэнтр — вёска Бялавічы.

Бялавіцкі сельсавет
Краіна	Беларуская ССР
Уваходзіў у	Івацэвіцкі раён
Адміністрацыйны цэнтр	Бялавічы
Дата ўтварэння	12 кастрычніка 1940
Дата скасавання	1 красавіка 1968

Утвораны 12 кастрычніка 1940 года ў складзе Косаўскага раёна Брэсцкай вобласці БССР. З 20 верасня 1947 года ў складзе Івацэвіцкага раёна. 31 сакавіка 1959 года да сельсавета далучана тэрыторыя скасаванага Альшаніцкага сельсавета^[1]. З 25 снежня 1962 года ў складзе Бярозаўскага раёна. У 1964 годзе ў склад Верашкоўскага сельсавета перададзены 4 населеныя пункты (Альшаніца, Квасевічы, Скураты і Хрышчановічы)^[2]. З 6 студзеня 1965 года ў складзе адноўленага Івацэвіцкага раёна. 1 красавіка 1968 года сельсавет скасаваны.