Бірузоўскі сельсавет

Бірузо́ўскі сельсавет — былая адміністрацыйна-тэрытарыяльная адзінка ў складзе Расонскага раёна Віцебскай вобласці Беларусі. Адміністрацыйны цэнтр — вёска Бірузова.

Бірузоўскі сельсавет
Краіна	Беларусь
Уваходзіць у	Расонскі раён
Адміністрацыйны цэнтр	Бірузова
Дата ўтварэння	20 жніўня 1924
Дата скасавання	16 лютага 1996
Код аўтам. нумароў	2

Утвораны 20 жніўня 1924 года як Парэцкі сельсавет у складзе Расонскага раёна Полацкай акругі БССР. Цэнтр — вёска Парэчча. У 1927 годзе цэнтр сельсавета перанесены ў вёску Матылёва. Пасля скасавання акруговай сістэмы 26 ліпеня 1930 года ў Расонскім раёне БССР, з 21 чэрвеня 1935 года — Полацкай акругі, з 20 лютага 1938 года — Віцебскай вобласці, з 20 верасня 1944 года — Полацкай вобласці, з 8 студзеня 1954 года — Віцебскай вобласці. 12 мая 1959 года ў склад сельсавета з адміністрацыйнага падпарадкавання Расонскага пассавета перададзена вёска Шлях^[1]. З 25 снежня 1962 года сельсавет у складзе Полацкага раёна, з 6 студзеня 1965 года — у складзе адноўленага Расонскага раёна. 17 ліпеня 1964 года ў склад сельсавета з Гарбачэўскага сельсавета перададзены 6 населеных пунктаў (Дварышча, Межава, Петракова, Скуратава, Харытонава і Цясны), цэнтр сельсавета перанесены ў пасёлак саўгаса «Расоны»^[2], які 21 студзеня 1969 года атрымаў назву Бірузова. 19 красавіка 1973 года Парэцкі сельсавет перайменаваны ў Бірузоўскі^[3]. На 1 студзеня 1974 года ў складзе Бірузоўскага сельсавета 12 населеных пунктаў^[4]. У сакавіку 1977 года ў склад Гарбачэўскага сельсавета перададзены 4 населеныя пункты (вёскі Дварышча, Межава, Петракова і Харытонава)^[5]. 7 сакавіка 1978 года ў склад сельсавета з адміністрацыйнага падпарадкавання Расонскага пассавета перададзены 4 населеныя пункты (вёскі Азярцы, Альбрэхтава, Грачушына і Заазер’е)^[6]. 16 лютага 1996 года цэнтр сельсавета перанесены ў вёску Альбрэхтава, сельсавет перайменаваны ў Альбрэхтаўскі.

Зноскі

1. Рашэнне выканкома Віцебскага абласнога Савета дэпутатаў працоўных ад 12 мая 1959 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1959, № 5.
2. Рашэнне выканкома Віцебскага абласнога (сельскага) Савета дэпутатаў працоўных ад 17 ліпеня 1964 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1964, № 31 (1071).
3. Указ Прэзідыума Вярхоўнага Савета Беларускай ССР ад 19 красавіка 1973 г. Аб перайменаванні Пагарэлецкага сельсавета Шумілінскага раёна і Парэцкага сельсавета Расонскага раёна Віцебскай вобласці // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1973, № 12 (1386).
4. Белорусская ССР. Административно-территориальное деление. На 1 января 1974 года. (руск.). — Выданне 5-е. — Мн.: Беларусь, 1974. — С. 59. — 248 с. — 10 000 экз.
5. Рашэнні выканкома Віцебскага абласнога Савета дэпутатаў працоўных ад 5 і 31 сакавіка 1977 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1977, № 15 (1533).
6. Рашэнне выканкома Віцебскага абласнога Савета народных дэпутатаў ад 7 сакавіка 1978 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1978, № 13 (1567).