Валерый Аляксеевіч Грыгор’еў

Валерый Аляксеевіч Грыгор’еў (нар. 12 сакавіка 1945, Мазыр, Беларуская ССР) — беларускі флейтыст, педагог.

Валерый Аляксеевіч Грыгор’еў
Дата нараджэння	12 сакавіка 1945(1945-03-12) (80 гадоў)
Месца нараджэння	Мазыр, Палеская вобласць, Беларуская ССР, СССР
Альма-матар	Рэспубліканская гімназія-каледж пры Беларускай дзяржаўнай акадэміі музыкі (1960-я) Беларуская дзяржаўная кансерваторыя імя А. В. Луначарскага (1968)
Месца працы	Дзяржаўны акадэмічны сімфанічны аркестр Рэспублікі Беларусь Сярэдняя школа № 4 Рэспубліканская гімназія-каледж пры Беларускай дзяржаўнай акадэміі музыкі Мінскі дзяржаўны музычны каледж імя М. І. Глінкі Беларуская дзяржаўная акадэмія музыкі
Музычная дзейнасць
Педагог	Уладзімір Васілевіч Харытонаў[d]
Прафесіі	флейтыст, музычны педагог
Грамадская дзейнасць
Член у	Саюз музычных дзеячаў Беларусі
Узнагароды	Нагрудны знак «За ўклад у развіццё культуры Беларусі» Ганаровая грамата Міністэрства культуры Беларусі[d]

У Вікіпедыі ёсць артыкулы пра іншых людзей з прозвішчам Грыгор’еў.

Біяграфія

Нарадзіўся 12 сакавіка 1945 года ў Мазыры. Вучыўся ў Сярэдняй спецыяльнай музычнай школе пры Беларускай дзяржаўнай кансерваторыі імя А. В. Луначарскага па класе флейты ў дацэнта В. В. Харытонава. Пазней працягнуў навучанне ў тым жа класе ў кансерваторыі^[1].

Па заканчэнні кансерваторыі ў 1968 годзе быў прыняты на працу ў Дзяржаўны акадэмічны сімфанічны аркестр Беларусі на пасаду саліста-пікаліста групы флейт^[1], якую займаў да 2007 года^[2].

З 1969 года паралельна выкладаў у розных навучальных установах, уключаючы СШ № 4 з музычным ухілам, ДМШ № 8 імя Р. Шырмы г. Мінска^[2], Сярэднюю спецыяльную музычную школу пры Беларускай дзяржаўнай кансерваторыі і Мінскае музычнае вучылішча імя М. І. Глінкі^[1].

З 1971 па 1974 год навучаўся ў асістэнтуры-стажыроўцы пры Белдзяржкансерваторыі (атрымаў дыплом № 2 аб заканчэнні стажыроўкі)^[1].

У 1984—1987 гадах працаваў прафесарам Дакарскай кансерваторыі ў Рэспубліцы Сенегал^[1].

У 1987 годзе вярнуўся ў ДАСА РБ, дзе адпрацаваў 39 гадоў і прыняў удзел у больш чым 3000 канцэртах у Беларусі, Расіі, Украіне, Літве, Латвіі, Грузіі, Арменіі, Азербайджане, Польшчы, Германіі, Францыі, Вялікабрытаніі, Ірландыі, Швейцарыі, Балгарыі, Італіі, Іспаніі і іншых краінах^[1].

Выкладае на кафедры драўляных духавых інструментаў Беларускай дзяржаўнай акадэміі музыкі, дзе чытае курсы: спецыяльны інструмент (флейта), ансамбль, вывучэнне роднасных інструментаў, чытанне нот з ліста. выкладчык аддзялення духавых і ўдарных інструментаў Рэспубліканскай музычнай гімназіі-каледжа пры БДАМ^[2]. 22 снежня 2017 года ВАК РБ прысвоіў Грыгор’еву званне дацэнта ў галіне мастацтва.

Член Беларускага саюза музычных дзеячаў^[1].

Узнагароды

Узнагароджаны нагрудным знакам Міністэрства культуры Рэспублікі Беларусь «За ўклад у развіццё культуры Беларусі», ганаровымі граматамі Міністэрства культуры Беларусі і Саюза беларускіх кампазітараў^[1].

Публікацыі

Вучэбна-метадычныя зборнікі і рэпертуар^[1]

• «Свірэль». Зборнік твораў для ДМШМ (1984)
• «Свірэль-2». Эцюды, практыкаванні, ансамблі (2007)
• «Гук адухоўлены». Творы Р. Суруса для духавых інструментаў (2008)
• «Хрэстаматыя для малодшых класаў ДМШМ» (2011)
• «Хатняя музыка». Г. К. Гарэлава, рэдакцыя В. А. Грыгор’ева (2013)
• «Натхненне». Творы для духавых інструментаў ДМШМ (2015)
• «Хрэстаматыя для старэйшых класаў ДМШМ» (2017)
• «Калейдаскоп». Творы А. Безенсон, рэдакцыя В. А. Грыгор’ева (2017)
• «Пра што спяваюць птушкі». А. Безенсон, рэдакцыя В. А. Грыгор’ева (2020)
• «Танга — адлюстраванне». А. Безенсон, рэдакцыя В. А. Грыгор’ева (2021)
• «Прысвячэнне». Творы для флейты (2021)
• «Натхненне». 2-е выданне, дапоўненае (2021—2022)
• «Флейтавыя акварэлі». Творы беларускіх кампазітараў XX—XXI ст. (2022)

Вучэбныя праграмы^[1]

• Праграма навучання ігры на духавых інструментах для ДМШМ (разам з Г. Забарам, 2013)
• Праграма для Рэспубліканскага музычнага каледжа (гімназія — 2014, каледж — 2018)
• Праграма вывучэння роднасных драўляных духавых інструментаў (БДАМ, 2017)
• Метадычная праца «Да пытання вывучэння роднасных інструментаў у класе флейты» (БДАМ, 2017)