Валерый Сцяпанавіч Сахашчык

Валерый Сцяпанавіч Сахашчык (нар. 13 жніўня 1964, Гошава Драгічынскага раёна Брэсцкай вобласці) — беларускі ваенны і палітычны дзеяч. Падпалкоўнік, былы камандзір 38-й асобнай гвардзейскай дэсантна-штурмавой брыгады (1998—2001). Былы прадстаўнік па абароне і бяспецы ў Аб’яднаным пераходным кабінеце Беларусі (2022—2024).

Валерый Сцяпанавіч Сахашчык
Дата нараджэння	13 жніўня 1964(1964-08-13)[1] (61 год)
Месца нараджэння	Гошава, Хомскі сельсавет, Драгічынскі раён, Брэсцкая вобласць, Беларуская ССР, СССР[2][1]
Альма-матар	Маскоўскае вышэйшае ваеннае каманднае вучылішча[1]
Грамадзянства	Расія[3][4]  Беларусь
Медыяфайлы на Вікісховішчы

Біяграфія

Нарадзіўся ў сям’і работнікі калгаса.^[5] Дзед — Лукаш Сахашчык, партызанскі камандзір, загінуў у 1944 годзе.^[6] Скончыў школу № 3 у Драгічыне з залатым медалём.^[7] Скончыў Маскоўскае вышэйшае ваеннае каманднае вучылішча як лейтэнант дэсантнай брыгады, служыў тры гады ў Забайкальскай ваеннай акрузе, потым у ЗГВ на тэрыторыі ГДР.^[5]

У Брэст прыехаў у 1992 годзе^[7]. У 1998—2001 гадах камандзір 38-й асобнай гвардзейскай дэсантна-штурмавой брыгады^[8]. Вучыўся ў Ваеннай акадэміі Рэспублікі Беларусь. Сахашчык распрацаваў знак брыгады — Чорнага арла^[7], — і выпрабаванні для атрымання гэтага знаку для салдат брыгады. Пайшоў у запас праз інтрыгі ў Міністэрстве абароны Беларусі.^[6]

Удзельнік пратэстаў 2020—2021 гадоў. У 2022 годзе, пасля ўварвання Расіі ва Украіну, прызначаны Святланай Ціханоўскай прадстаўніком па абароне і бяспецы (дэ-факта міністрам абароны) у Аб’яднаным пераходным кабінеце.^[6] У чэрвені 2023 г. Сахашчык паведаміў пра стварэнне 1-ю асобную дэсантна-штурмавую роту «Беларусь», якая уваходзіць у 79-ю асобную дэсантна-штурмавую брыгаду (Украіна)  (бел. (тар.)), ваюе на Данбасе. Сахашчык у тым ліку таксама прымаў удзел у баявых апэрацыях.^[9]

1 жніўня 2024 года Сахашчык заявіў аб сыходзе з Аб'яднанага пераходнага кабінета.^[10]

Да 2020 года шмат гадоў сябраваў з Алегам Белаконевым.^[6]

Зноскі

1. https://web.archive.org/web/20220814125720/https://news.zerkalo.io/economics/19597.html
2. https://www.sb.by/articles/polet-chernogo-orla.html
3. https://nashaniva.com/ru/299160
4. https://news.zerkalo.io/economics/22515.html
5. Арцём Гарбацэвіч. Хто такі Валерый Сахашчык, які ўзначаліў сілавы блок у кабінеце Ціханоўскай  (бел.). Наша Ніва (9 жніўня 2022).
6. «Чорны арол». Пяць фактаў пра Валерыя Сахашчыка, які стаў «вайсковым міністрам» у кабінэце Ціханоўскай (бел. (тар.)). Беларуская служба Радыё «Свабода» (8 верасня 2022).
7. Легендарный комбриг, а теперь — «белорусский Черчилль»? Рассказываем о Валерии Сахащике — «министре обороны» в Кабинете Тихановской (руск.). Zerkalo.io (9 жніўня 2022).
8. Сахащик Валерий Степанович (руск.). СтопКор (7 сакавіка 2022).
9. Дзмітрый Гурневіч. «Сахашчык сам удзельнічае ў баявых апэрацыях». Баец з новай дэсантнай роты беларусаў расказаў, чым яны займаюцца на Данбасе (бел. (тар.)). Беларуская служба Радыё «Свабода» (2 жніўня 2023).
10. Сахашчык заявіў аб выхадзе з Аб’яднанага пераходнага кабінета