Валерый Уладзіміравіч Хелскі

Валерый Уладзіміравіч Хелскі (нар. 1968, в. Ваўчкі, Шчучынскі раён) — беларускі дзяржаўны дзеяч.

Валерый Уладзіміравіч Хелскі
старшыня Гродзенскага раённага выканаўчага камітэта[d] з 3 кастрычніка 2022
Папярэднік	Ян Янавіч Васілеўскі[d]
Нараджэнне	1968 Ваўчкі, Орлеўскі сельсавет, Шчучынскі раён, Гродзенская вобласць, Беларуская ССР, СССР
Адукацыя	Гродзенскі дзяржаўны аграрны універсітэт
Месца працы	Свіслацкі раённы выканаўчы камітэт Бераставіцкі раённы выканаўчы камітэт Гродзенскі абласны выканаўчы камітэт

Біяграфія

Нарадзіўся ў 1968 годзе ў вёсцы Ваўчкі Шчучынскага раёна. Скончыў Гродзенскі сельскагаспадарчы інстытут па спецыяльнасці «аграномія». Працаваў загадчыкам вытворчага ўчастка калгаса імя Леніна, намеснікам старшыні калгаса імя Каліноўскага Свіслацкага раёна. У 1997 годзе назначаны галоўным аграномам упраўлення сельскай гаспадаркі і харчавання Свіслацкага райвыканкама. З 2001 па 2008 гады працаваў першым намеснікам старшыні — начальнікам упраўлення сельскай гаспадаркі і харчавання Свіслацкага райвыканкама. З 2008 па 2010 гады — галоўны спецыяліст аддзела арганізацыі вытворчасці ўпраўлення сельскай гаспадаркі і харчавання Бераставіцкага райвыканкама. Пасля гэтага працаваў першым намеснікам старшыні — начальнікам упраўлення сельскай гаспадаркі і харчавання Бераставіцкага райвыканкама, адкуль у снежні 2013 года перайшоў на пасаду старшыні камітэта па сельскай гаспадарцы і харчаванні Гродзенскага аблвыканкама^[1]. 3 кастрычніка 2022 года прызначаны старшынёй Гродзенскага райвыканкама^[2].

Зноскі

1. В Гродненском райисполкоме новый председатель
2. Прэзідэнт Рэспублікі Беларусь Аляксандр Лукашэнка 3 кастрычніка разгледзеў кадравыя пытанні. (нявызн.)(недаступная спасылка). Архівавана з першакрыніцы 2 лютага 2023. Праверана 10 кастрычніка 2022.