Валянціна Іосіфаўна Градовіч

Валянціна Іосіфаўна Градовіч (15 мая 1928, Вінаградаўка — 31 мая 1995, Мінская вобласць) — цялятніца саўгаса «Раванічы» Чэрвеньскага раёна Мінскай вобласці, Беларуская ССР. Герой Сацыялістычнай Працы (1966). Член ЦК Кампартыі Беларусі.

Валянціна Іосіфаўна Градовіч
Дата нараджэння	15 мая 1928(1928-05-15)
Месца нараджэння	Слатвін, Раваніцкі сельсавет, Чэрвеньскі раён, Менская акруга, Беларуская ССР, СССР
Дата смерці	31 мая 1995(1995-05-31) (67 гадоў)
Месца смерці	Мінская вобласць, Беларусь
Грамадзянства	Расія  СССР  Беларусь
Партыя	КПСС
Узнагароды і прэміі

У Вікіпедыі ёсць артыкулы пра іншых людзей з прозвішчам Градовіч.

Біяграфія

Нарадзілася ў 1928 годзе ў сялянскай сям’і ў вёсцы Вінаградаўка Чэрвеньскага раёна. У 1945 годзе скончыла сярэднюю школу ў вёсцы Раванічы. З 1945 года працавала на садовым участку саўгаса «Раванічы». З 1947 года — цялятніца на саўгаснай ферме, дзе прапрацавала наступныя трыццаць гадоў.

Неаднаразова ўдзельнічала ва Усесаюзнай выстаўцы ВДНГ СССР у Маскве.

Па выніках сямігодкі  (руск.) (1959—1965) сярэднясутачнае прыбаўленне ў замацаванага за Валянцінай Градовіч маладняку буйной рагатай жывёлы склаў 950 грамаў. Указам Прэзидыум Вярхоўнага Савета СССР  (руск.) ад 22 сакавіка 1966 года была ўдастоена звання Героя Сацыялістычнай Працы з уручэннем ордэна Леніна і залатога медаля «Серп і Молат».

У 1971 годзе абіралася дэлегатам XXVII з’езда Кампартыі Беларусі, членам Цэнтральнага камітэта.

Памерла 31 мая 1995 года.

Узнагароды

• Герой Сацыялістычнай Працы — указам Прэзідыума Вярхоўнага Савета СССР ад 22 сакавіка 1966 года
• Ордэн Леніна
• Ордэн Кастрычніцкай Рэвалюцыі
• Ордэн Дружбы народаў

Памяць

Імя В. І. Градовіч змешчана на таблічцы на Алеі Герояў Чэрвеньскага раёна ў горадзе Чэрвень, адкрытай ў 2010 годзе^[1].

Зноскі

1. [http://www.cherven.minsk-region.by/en/news/region-news/item/198-kniga-pamyat.html(недаступная+спасылка) Книга «Память» (руск.) // Cherven Regional Executive Committee](недаступная спасылка)