Валяр’ян ліпалісты

Валяр’ян ліпалісты^[1] (Valeriana tiliifolia) — від кветкавых раслін роду Валяр’ян (Valeriana) сямейства Бружмелевыя (Caprifoliaceae).

Валяр’ян ліпалісты
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Варсянкакветныя Сямейства:  Бружмелевыя Падсямейства:  Валяр’янавыя Род:  Валяр'ян Від:  Валяр’ян ліпалісты
Міжнародная навуковая назва
Valeriana tiliifolia Troitzk., 1919
Сістэматыка на Віківідах Выявы на Вікісховішчы EOL   5237364 IPNI   860249-1 TPL   tro-33500666

Апісанне

Шматгадовая травяністая расліна. Вышыня 30—150 см. Карэнішча шчыльнае, стрыжнёвае або верацёнападобнае. Сцябло прамастойнае, тонкабаразнаватае, з 2—4 парамі лісця. Лісце простае, суцэльнае, круглавата-сэрцападобнае, слабавыемчата-зубчастае, ніжняе на доўгіх чаранках, верхняе сядзячае. Кветкі белыя або бледна-ружовыя, у шчыткападобна-паўшарападобных суквеццях^[1]. Плод — арэшак^[2].

Цвіце на другі год жыцця ў маі — чэрвені. Пладаносіць у канцы чэрвеня — ліпені^[1].

Арэал і экалогія

Родам з Каўказа. Інтрадукаваны ў розных краінах свету, у тым ліку ў Беларусі^[1]. Расце на камянях і скалах, камяністых россыпах, горных лугах, узлесках, у горных хмызняках^[2]. Ценевынослівая расліна, мезафіт і мезатроф^[2].

Галерэя

• 
• 

Значэнне і выкарыстанне

Культывуецца як лекавая і дэкаратыўная расліна. Можа выкарыстоўвацца ў якасці замены валяр’яна лекавага (Valeriana officinalis). Як дэкаратыўная расліна вырошчваецца ў групах на газонах і ўзлесках.

Зноскі

1. ЭПБ 1983.
2. Валериана липолистная: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)