Варанілавіцкі сельсавет

Варані́лавіцкі сельсаве́т — былая адміністрацыйна-тэрытарыяльная адзінка ў складзе Пружанскага раёна Брэсцкай вобласці Беларусі. Адміністрацыйны цэнтр — вёска Варанілавічы.

Варанілавіцкі сельсавет
Краіна	Беларусь
Уваходзіць у	Пружанскі раён
Уключае	13 населеных пунктаў
Адміністрацыйны цэнтр	Варанілавічы
Дата ўтварэння	12 кастрычніка 1940
Дата скасавання	1 снежня 2009
Насельніцтва (2009)	987
Часавы пояс	UTC+03:00
Тэлефонны код	+375 1632
Код аўтам. нумароў	1

Гісторыя

Утвораны 12 кастрычніка 1940 года ў складзе Ружанскага раёна Брэсцкай вобласці (з 8 студзеня 1954 года да 19 чэрвеня 1954 года — Гродзенскай вобласці). 16 ліпеня 1954 года да сельсавета далучана тэрыторыя скасаванага Шчытнаўскага сельсавета^[1]. 25 снежня 1962 года Ружанскі раён скасаваны, сельсавет далучаны да Пружанскага раёна. 18 чэрвеня 1963 года да сельсавета далучана частка скасаванага Калазубскага сельсавета (5 населеных пунктаў: Буцькі, Вітараж, Еськавічы, Калазубы і Перасадзічы)^[2]. На 1 студзеня 1974 года ў складзе сельсавета 13 населеных пунктаў^[3].

Сельсавет скасаваны 1 снежня 2009 года, усе населеныя пункты — Астравок, Буцькі, Варанілавічы, Верчыцы, Вітараж, Еськаўцы, Калазубы, Каплі, Клепачы, Ласасін, Перасадзічы, Таўцвілы, Шчытна — уключаныя ў склад Ружанскага пасялковага савета^[4].

Насельніцтва сельсавета паводле перапісу 2009 года — 987 чалавек^[5], з іх 96,7 % — беларусы^[6].

Населеныя пункты

• 1 студзеня 1947 года — 5.
• 1 студзеня 1974 года — 13^[3].