Варнакелі

Варнаке́лі^[1] (трансліт.: Varnakieli, руск.: Варнакели) — вёска ў Воранаўскім раёне Гродзенскай вобласці. Уваходзіць у склад Беняконскага сельсавета.

Вёска Варнакелі Краіна Беларусь Вобласць Гродзенская Раён Воранаўскі Сельсавет Беняконскі Каардынаты 54°16′16″ пн. ш. 25°23′46″ у. д.HGЯO Насельніцтва ▼16 чал. (2009) Часавы пояс UTC+3 Тэлефонны код +375 1594 Аўтамабільны код 4 Варнакелі на карце Беларусі ±

Геаграфія

Знаходзіцца на левым беразе ракі Шальча, ля мяжы з Літвой. Размешчана за 16 км на паўночны ўсход ад Воранава, 149 км ад Гродна, 4 км ад чыг. ст. Беняконі.

Гісторыя

У 1835 г. Вераніка Остэн Сакен, як пасаг, перадала Варнакелі свайму мужу Адаму Рымшу^[2]. У другой палове XIX ст. вёска ў Беняконскай воласці Лідскага павета Віленскай губерні Расійскай імперыі. У 1897 годзе 84 дзесяціны зямлі, 13 коней.

З 1921 года ў складзе Польшчы, у Беняконскай гміне Лідскага павета.

З лістапада 1939 года ў БССР. З 15 студзеня 1940 года ў Воранаўскім раёне Баранавіцкай вобласці, з 12 кастрычніка ў Беняконскім сельсавеце. З 20 верасня 1944 года ў Гродзенскай вобласці. Землі належалі саўгасу «Беняконскі».

Насельніцтва

• 1897 год — 146 жыхароў, 13 двароў.
• 1921 год — 98 жыхароў, 21 двор.
• 1940 год — 112 жыхароў.
• 1960 год — 74 жыхары.
• 1970 год — 84 жыхары.
• 2004 год — 38 жыхароў, 14 гаспадарак.
• 2014 год — 15 жыхароў, 7 гаспадарак.