Варыятар

Варыя́тар — прыстасаванне для плаўнай змены вуглавых скарасцей звёнаў прывода і выканаўчага механізма.

Варыятар

Асноўная частка варыятара — бесступеньчатая перадача (адна або некалькі). Варыятар забяспечвае аптымальную скорасць машыны або механізма пры розных умовах эксплуатацыі. Бываюць фрыкцыйныя (выкарыстоўваюць трэнне) і гідраўлічныя.

Пашыраны ў машынах і механізмах хімічнай, папяровай, тэкстыльнай прамысловасці, на транспарце (напрыклад, на эскалатарах метрапалітэна ўзгадняюць скорасць руху поручняў і ступеняў).

Літаратура

• Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4). — С. 19.

Спасылкі

• На Вікісховішчы ёсць медыяфайлы па тэме Варыятар