Васіль Іванавіч Бернік

Васіль Іванавіч Бернік (9 студзеня 1947, в. Слабада-Пырашаўская, Уздзенскі раён, Мінская вобласць) — беларускі матэматык. Доктар фізіка-матэматычных навук (1986, Метрычная тэорыя дыяфантавых прыбліжэнняў залежных велічынь і размернасць Хаўсдорфа), прафесар (1992).

Васіль Іванавіч Бернік
Дата нараджэння	9 студзеня 1947(1947-01-09) (78 гадоў)
Месца нараджэння	Слабада, Слабада-Пырашаўскі сельсавет, Уздзенскі раён, Мінская вобласць, Беларуская ССР, СССР
Грамадзянства	Беларусь
Род дзейнасці	матэматык
Месца працы	Інстытут матэматыкі НАН Беларусі
Навуковая ступень	доктар фізіка-матэматычных навук
Альма-матар	матэматычны факультэт БДУ (1970)
Член у	Беларуская перспектыва Рэспубліканская тэрміналагiчная камiсiя пры НАН Беларусi
Прэміі	прэмія Нацыянальнай акадэміі навук Беларусі

Біяграфія

Скончыў БДУ (1970). Працуе ў Інстытуце матэматыкі НАН Беларусі. Навуковыя працы па тэорыі лікаў. Распрацаваў новы метад ацэнак размернасці Хаўсдорфа мностваў рэчаісных і камплексных лікаў з зададзенай мерай трансцэндэнтнасці.

Галоўны рэдактар першай беларускамоўнай «Матэматычнай энцыклапедыі» (2001).

Член Савета заснавальнікаў Грамадскага навукова-аналітычнага цэнтра «Беларуская перспектыва»^[1]. Член Рэспубліканскай тэрміналагічнай камісіі пры НАН Беларусі^[2].

Навуковыя працы

• Диофантовы приближения и размерность Хаусдорфа. Мн., 1988 (разам з Ю.Мельнічуком);
• О точном порядке приближения нуля значениями целочисленных многочленов // Acta Arithmetica. 1989. № 53; Diophantine analysis on manitolds. Cambridge University Press, 1999 (разам з М.Додсанам).

Прэміі

• Прэмія Нацыянальнай акадэміі навук Беларусі (1999).
• Дзяржаўная прэмія Рэспублікі Беларусь у галіне навукі і тэхнікі (2004, у аўтарскім калектыве) — за цыкл прац «Метрычныя тэорыя дыяфантавых прыбліжэнняў залежных велічынь і яе дадаткаў».