Беларуская перспектыва

Грамадскі навукова-аналітычны цэнтр «Беларуская перспектыва» — міжнароднае грамадскае аб'яднанне.

Беларуская перспектыва
Дата заснавання	14 верасня 1995
Тып	грамадскае аб’яднанне[d]
Цэнтр	Мінск

Грамадскі навукова-аналітычны цэнтр «Беларуская перспектыва» створаны групай беларускай інтэлігенцыі на ўстаноўчым сходзе 14 верасня 1995 года. Зарэгістраваны Міністэрствам юстыцыі Рэспублікі Беларусь 10 лістапада 1995 года. Меў Савет заснавальнікаў, прэзідыум, трох сустаршыняў — Уладзіміра Анцулевіча, Валянціна Голубева, Аляксандра Фядуты^[1].

Выступала за рынкавыя рэформы ў эканоміцы, захаванне правоў чалавека і дэмакратычныя каштоўнасці. Цэнтр праводзіў семінары, лекцыі, канферэнцыі, дыскусіі, «круглыя сталы» і г.д. з прыцягненнем спецыялістаў, грамадскіх і дзяржаўных дзеячаў, шырокага кола грамадства. За час свайго існавання правяла чытанне 110 навукова-папулярных лекцый па актуальных праблемах рэфармавання эканомікі, сучаснай палітыкі і гісторыі беларускай дзяржаўнасці^[1].

24—25 лістапада 1995 года Цэнтрам «Беларуская перспектыва» праведзена канферэнцыя «Праблемы прыцягнення замежных інвестыцый у эканоміку постсацыялістычных краінаў Усходняй Еўропы», у якой удзельнічалі Уладзімір Тарасаў, Станіслаў Багданкевіч, В. Касядоўскі, Павел Данейка, Антон Сланімскі і іншыя. 14—15 снежня правёў канферэнцыю «Праблемы рынкавых рэформаў сельскай гаспадаркі ў краінах Усходняй Еўропы», аргамітэт якой узначальваў Іван Нікітчанка^[1].

Члены

Членам Цэнтра мог быць любы грамадзянін Беларусі ці замежжа, які дасягнуў 16 гадоў^[1].

Савет заснавальнікаў^[1]

• Станіслаў Аляксандравіч Астапчык, дырэктар фізіка-тэхнічнага Інстытута, акадэмік АН Беларусі, доктар тэхнічных навук

• Дзмітрый ЛеанІдавіч Абразцоў, старшыня Свабоднага прафсаюза завода «Зеніт»
• Васіль Іванавіч Бернік, галоўны навуковы супрацоўнік Інстытута матэматыкі АН Беларусі, доктар матэматычных навук
• Генадзь Мікалаевіч Бураўкін, намеснік галоўнага рэдактара часопіса «Вожык»
• Радзім Гаўрылавіч Гарэцкі, віцэ-прэзідэнт Акадэміі навук Беларусі, доктар геалагічных навук
• Анатоль Пятровіч Грыцкевіч, загадчык кафедры гісторыі Беларусі і замежных краін, доктар гістарычных навук
• Павел Уладзіміравіч Данейка, віцэ-прэзідэнт Інстытута прыватызацыі і менеджменту, дэпутат Вярхоўнага Савета Рэспублікі Беларусь
• Сяргей Іванавіч Законнікаў, рэдактар часопіса «Полымя»
• Лявонцій Ульянавіч Зданевіч, галоўны архітэктар праектаў АП «Белпраект»
• Іван Сямёнавіч Кірычэнка, старшыня Беларускага Камітэта міру
• Павел Алегавіч Лойка, загадчык кафедры Белдзяржуніверсітэта, кандыдат гістарычных навук
• Іван Пятровіч Макаловіч, намеснік галоўнага рэдактара газеты «Народная воля», кандыдат гістарычных навук
• Сяргей Сцяпанавіч Мальчык, дацэнт Гродзенскага медыцынскага інстытута, кандыдат медыцынскіх навук
• Марыя Міхайлаўна Міцкевіч, навуковы супрацоўнік Нацыянальнага навукова-асветнага цэнтра імя Скарыны
• Іван Мікалаевіч Нікітчанка, генеральны дырэктар ТАА «Агранавука», член-карэспандэнт АН Беларусі, доктар сельскагаспадарчых навук
• Наталля Арсенаўна Рослава, старшыня камітэта «Дзеці Чарнобыля»
• Людміла Рыгораўна Русак, загадчык кафедры Акадэміі кіравання пры Прэзідэнце Рэспублікі Беларусь, кандыдат юрыдычных навук
• Антон Антонавіч Сланімскі, вядучы навуковы супрацоўнік Навукова-даследчага эканамічнага інстытута Міністэрства эканомікі Рэспублікі Беларусь, кандыдат эканамічных навук
• Уладзімір Іванавіч Тарасаў, кіраўнік саветнікаў Нацыянальнага Банка Рэспублікі Беларусь, доктар эканамічных навук
• Валянціна Андрэеўна Трыгубовіч, загадчык аддзела часопіса «Мастацтва»
• Вера Андрэеўна Чуйко, старшы навуковы супрацоўнік Інстытута фізіка-арганічнай хіміі АН Беларусі, кандыдат хімічных навук
• Мікалай Уладзіміравіч Шэйна, галоўны спецыяліст Камітэта па сельскай гаспадарцы Брэсцкага аблвыканкама
• Дзмітрый Дзмітрыевіч Якаўцаў, прадпрымальнік

Сустаршыні^[1]

• Уладзімір Іванавіч Анцулевіч, выкладчык гімназіі, кандыдат фізіка-матэматычных навук
• Валянцін Фёдаравіч Голубеў, кандыдат гістарычных навук
• Аляксандр Іосіфавіч Фядута, палітычны аглядальнік «Беларускай дзелавой газеты»

Выканаўчыя дырэктары^[1]

• Віктар Антонавіч Івашкевіч

Зноскі

1. Грамадскі навукова-аналітычны цэнтр «Беларуская перспектыва»