Васіль Ігнацьевіч Сцяпура

Васіль Ігнацьевіч Сцяпура (нар. 6 лютага 1952, в. Раманавічы, Дзятлаўскі раён, Гродзенская вобласць) — Заслужаны работнік сельскай гаспадаркі Рэспублікі Беларусь, дэпутат Палаты прадстаўнікоў Нацыянальнага сходу Рэспублікі Беларусь 4-га склікання.

Васіль Ігнацьевіч Сцяпура
Нараджэнне	6 лютага 1952(1952-02-06) (73 гады) Раманавічы, Накрышкаўскі сельсавет, Дзятлаўскі раён, Баранавіцкая вобласць, Беларуская ССР, СССР
Адукацыя	Віцебская дзяржаўная акадэмія ветэрынарнай медыцыны
Узнагароды

У Вікіпедыі ёсць артыкулы пра іншых людзей з прозвішчам Сцяпура.

Біяграфія

Нарадзіўся 6 лютага 1952 года ў в. Раманавічы Дзятлаўскага раёна Гродзенскай вобласці.

Скончыў Віцебскі ветэрынарны інстытут, ветэрынарны ўрач.

Працоўную дзейнасць пачаў ветэрынарным фельчарам Любчанскага ветэрынарнага ўчастка Навагрудскага раёна Гродзенскай вобласці. Служыў у радах Узброеных Сіл. Працаваў ветэрынарным фельчарам саўгаса «Парэчча», галоўным ветэрынарным урачом саўгаса «Горка», старшынёй калгаса «1 Мая» Дзятлаўскага раёна. Займаў пасады старшыні Воранаўскага райвыканкама, першага намесніка старшыні Гродзенскага аблвыканкама.

Выбіраўся дэпутатам Палаты Прадстаўнікоў Нацыянальнага сходу Рэспублікі Беларусь 4-га склікання.

Узнагароды

Узнагароджаны ордэнам «Знак Пашаны», ордэнам Пашаны, шасцю юбілейнымі медалямі, ордэнам Беларускай праваслаўнай царквы Свяціцеля Кірылы Тураўскага ІІ ступені^[1]. Мае падзяку Прэзідэнта Рэспублікі Беларусь.

Зноскі

1. ПАРЛАМЕНТ. Национальное собрание Республики Беларусь четвертого созыва