Васіль Міхайлавіч Дубейка

Васіль Міхайлавіч Дубейка (нар. 21 кастрычніка 1961) — беларускі педагог і краязнавец.

Васіль Міхайлавіч Дубейка
Род дзейнасці	педагог, краязнавец
Дата нараджэння	21 кастрычніка 1961(1961-10-21) (63 гады)
Месца нараджэння	Семігосцічы, Альшанскі сельсавет, Столінскі раён, Брэсцкая вобласць, Беларуская ССР, СССР
Грамадзянства	СССР  Беларусь
Альма-матар	БДУ (1987)
Узнагароды і прэміі

Біяграфія

Васіль Міхайлавіч Дубейка нарадзіўся ў вёсцы Семігосцічы Столінскага раёна Брэсцкай вобласці. У 1987 годзе завочна скончыў Беларускі дзяржаўны ўніверсітэт. З 1985 года жыве і працуе ў Баранавіцкім раёне. Настаўнічаў у Вялікасваротаўскай школе, Навамышскім ПТВ-156 (1986—1991), выкладаў гісторыю і геаграфію. Метадыст па краязнаўству Палонкаўскай турыстычнай дзіцячай базы аддзела адукацыі Баранавіцкага райвыканкама (1991—1992); дырэктар школы (Пастарынскай васьмігадовай у 1992—1995 гадах; Цешаўлянскай сярэдняй школы ў 1995—2019).

Даследуе гісторыю населеных пунктаў Баранавіцкага раёна. Ініцыятар стварэння Літаратурна-краязнаўчага музея імя Яна Чачота ў Цешаўлянскай сярэдняй школе.

Апублікаваў у перыядычным друку шэраг артыкулаў аб гісторыі вёсак Баранавіцкага раёна. Адзін з аўтараў кнігі Памяць. Баранавічы. Баранавіцкі раён : гіст.-дакум. хроніка. — Мінск, 2000. С. 39-44.

Аўтар краязнаўчых кніг :

• На беразе Мышанкі / В. М. Дубейка. — Мінск : Чатыры чвэрці, 2018. — 288 с. : іл.
• Багрымаў Крашын / Васіль Дубейка. — Мінск : Чатыры чвэрці, 2019. — 212 с. : іл.
• назваў населеных пунктаў Баранавіцкага раёна(недаступная спасылка) / В. М. Дубейка. — Мінск : Чатыры чвэрці, 2019. — 527 с. : іл. — ISBN 978-985-581-297-6.

За сваю педагагічную дзейнасць В. М. Дубейка ўзнагароджаны нагрудным знакам Міністэрства адукацыі Рэспублікі Беларусь «Выдатнік адукацыі» (2021).