Цешаўле

Це́шаўле^[4] (трансліт.: Ciešaŭlie, руск.: Тешевле) — вёска ў Баранавіцкім раёне Брэсцкай вобласці. Уваходзіць у склад Навамышскага сельсавета. Размешчана за 20 км на паўночны захад ад Баранавічаў, за 4 км ад чыгуначнай станцыі Мордзічы на лініі Баранавічы — Ліда, за 2 км ад ракі Мышанкі, на аўтадарозе Дзятлава — Новая Мыш.

Вёска Цешаўле Краіна Беларусь Вобласць Брэсцкая Раён Баранавіцкі Сельсавет Навамышскі Каардынаты 53°13′43″ пн. ш. 25°49′06″ у. д.HGЯO Плошча 3,24 км²[1] Вышыня цэнтра 202 м[2] Насельніцтва ▼408 чал. (2019)[3] Часавы пояс UTC+3 Тэлефонны код +375 163 Паштовыя індэксы 225336 Аўтамабільны код 1 СААТА 1204860077 Цешаўле на карце Беларусі ±

Цешаўле на Вікісховішчы

Гісторыя

У 1897 годзе вёска Навамышскай воласці Навагрудскага павета Мінскай губерні, працавалі хлебазапасны магазін і карчма.

З 1921 года ў складзе Польскай Рэспублікі, у Навамышскай гміне Баранавіцкага павета Навагрудскага ваяводства.

З 1939 года ў складзе БССР. З 12 кастрычніка 1940 года цэнтр сельсавета Навамышскага раёна Баранавіцкай, з 8 студзеня 1954 года Брэсцкай абласцей, з 8 красавіка 1957 года Баранавіцкага раёна.

У час Вялікай Айчыннай вайны з канца чэрвеня 1941 года вёска акупіравана нямецка-фашысцкімі захопнікамі. Вызвалена 8 ліпеня 1944 года. Пры вызваленні вёскі Цешаўля вызначыўся камандзір агнявога ўзвода артылерыйска-мінамётнага палка старшы лейтэнант Р. А. Чакмянёў. 8 ліпеня 1944 года ўзвод пад яго камандаваннем захапіў абарончы пункт гітлераўцаў у вёсцы, адбіў тут 2 контратакі праціўніка, знішчыў 4 танкі і каля 250 гітлераўцаў. Чакмянёў загінуў у гэтым баі, пахаваны ў суседнім пасёлку Першамайскім. 25 верасня 1944 года Чакмянёву прысвоена званне Героя Савецкага Саюза. На франтах вайны загінула 40 вяскоўцаў.

Да 26 чэрвеня 2013 года вёска ўваходзіла ў склад Цешаўлянскага сельсавета^[5].

Інфраструктура

• Выканком сельсавета
• Калгасная сядзіба
• Механічныя майстэрні
• Ветэрынарны ўчастак
• Клуб
• Бібліятэка
• Дом быту
• Бальніца
• Сярэдняя школа (з 1997 года працуе краязнаўчы музей)
• Аддзяленне сувязі
• Аўтаматычная тэлефонная станцыя
• Ашчадны банк
• 2 магазіны

Насельніцтва

• 68 двароў, 717 жыхароў (1897)
• 130 двароў, 920 жыхароў; маёнтак — 9 двароў, 77 жыхароў (1909)
• 109 дамоў, 20 жыхароў; фальварак — 4 дамы, 20 жыхароў (1921)
• 885 жыхароў, у былым фальварку — 11 жыхароў (1939)
• 310 жыхароў (1959)
• 753 жыхары (1970)
• 208 гаспадарак, 673 жыхары (1998)
• 262 гаспадаркі, 630 жыхароў (2003)^[6]
• 248 гаспадарак, 617 жыхароў (2005)

Памятныя мясціны

• Помнік землякам, якія загінулі ў Вялікую Айчынную вайну

Зноскі

1. http://www.levonevski.net/pravo/normreg2013/num01/d01915.html
2. http://www.geonames.org/629245/tsyeshawlye.html
3. https://map.nca.by
4. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
5. Решение Брестский облсовет 286 26.06.2013 Об изменениях в административно-территориальном устройстве Барановичского района Брестской области (руск.). Архівавана з першакрыніцы 2 жніўня 2015. Праверана 2 жніўня 2015.
6. Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17.