Васіль Еўдакімавіч Воран

У Вікіпедыі ёсць артыкулы пра іншых людзей з прозвішчам Воран (значэнні).

Васіль Еўдакімавіч Воран (1907, в. Літвінкі — 1997) — беларускі дзеяч сельскай гаспадаркі, брыгадзір комплекснай брыгады.

Васіль Еўдакімавіч Воран
Дата нараджэння	1907
Месца нараджэння	Літвінкі, Прускаўская воласць[d], Кобрынскі павет, Гродзенская губерня, Літоўскае генерал-губернатарства, Расійская імперыя
Дата смерці	1997
Грамадзянства	Беларусь
Партыя	Камуністычная партыя Заходняй Беларусі
Узнагароды і прэміі	Грамата Прэзідыума Вярхоўнага Савета БССР

Біяграфія

Нарадзіўся ў 1907 годзе ў вёсцы Літвінкі (цяпер Кобрынскага раёна Брэсцкай вобласці) ў сям’і сялян. Член КПЗБ^[1].

У 1940 годзе абраны першым старшынём калгаса «Заветы Ільіча». У час Вялікай Айчыннай вайны — сувязны партызанскага атрада імя Чапаева. Пасля вайны ўдзельнічаў у аднаўленні і арганізацыі калгаса; з 1948 года — старшыня калгаса «За Радзіму». З красавіка 1953 па 1978 год — брыгадзір комплекснай брыгады ў вёсцы Літвінкі калгаса «Заветы Ільіча»^[1].

Выбіраўся ў 1969 годзе дэлегатам III з’езда калгаснікаў Беларусі, дзевяць скліканняў, з 1950 па 1977 гг. — дэпутатам сельскага Савета народных дэпутатаў. Персанальны пенсіянер мясцовага значэння^[1].

Памёр у 1997 годзе^[1].

Узнагароды

Узнагароджаны ордэнам Працоўнага Чырвонага Сцяга, медалямі «За доблесную працу», «Ветэран працы», «20 год Перамогі ў Вялікай Айчыннай вайне», Ганаровай граматай Вярхоўнага Савета БССР «За поспехі ў развіцці сельскай гаспадаркі» і іншымі граматамі^[1].