Васіль Кірылавіч Захараў

У Вікіпедыі ёсць артыкулы пра іншых людзей з прозвішчам Захараў.

Васіль Кірылавіч Заха́раў (руск.: Василий Кириллович Захаров; 24 жніўня 1886 — 12 сакавіка 1967) — вучоны ў галіне лесаводства, доктар сельскагаспадарчых навук (1948), прафесар (1926). Заслужаны дзеяч навукі БССР (1956).

Васіль Кірылавіч Захараў
руск.: Василий Кириллович Захаров
Дата нараджэння	24 жніўня 1886(1886-08-24)
Месца нараджэння	Ладзейнае Поле, Ладзейнапольскі павет[d], Аланецкая губерня, Расійская імперыя
Дата смерці	12 сакавіка 1967(1967-03-12) (80 гадоў)
Грамадзянства	Расійская імперыя  СССР
Род дзейнасці	навуковец
Навуковая сфера	лесаводства
Месца працы	Беларускі дзяржаўны тэхналагічны ўніверсітэт Санкт-Пецярбургскі дзяржаўны лесатэхнічны ўніверсітэт Інстытут лесу НАНБ
Навуковая ступень	доктар сельскагаспадарчых навук (1948)
Навуковае званне	прафесар
Альма-матар	Санкт-Пецярбургскі дзяржаўны лесатэхнічны ўніверсітэт
Узнагароды

Біяграфія

В. К. Захараў нарадзіўся ў горадзе Ладзейнае Поле Алонецкай губерні Расійскай імперыі (зараз Ленінградская вобласць Расіі). Першапачатковую адукацыю атрымаў у гарадскім вучылішчы. У 1923 годзе скончыў Ленінградскі лясны інстытут (сучасны Санкт-Пецярбургскі дзяржаўны лесатэхнічны ўніверсітэт), выкладаў у ім на кафедры лесаўпарадкавання і адначасова працаваў ляснічым вучэбна-вопытнага лясніцтва інстытута^[1]. У 1926 годзе абраны прафесарам на кафедры лясной таксацыі і лесаўпарадкавання Беларускай сельскагаспадарчай акадэміі (БСГА) ^[1]. У 1930 годзе факультэт БСГА быў пераўтвораны ў самастойны Беларускі лесатэхнічны інстытут, загадчыкам кафедры таксацыі і лесаўпарадкавання быў прызначаны В. К. Захараў. У асобныя перыяды ён займаў пасады дэкана факультэта і намесніка дырэктара па навучальнай і навуковай рабоце^[1]. З 1950 года В. К. Захараў прымаў удзел у навуковай рабоце Інстытута лесу Акадэміі навук БССР^[1].

Навуковая дзейнасць

А. К. Захараву належаць больш за 50^[1]. навуковых прац па актуальным пытанням лясной гаспадаркі, таксацыі лесу, уліку і ўдакладненню метадаў уліку лесу на кораню са складаннем шэрагу табліц.

Сярод апублікаванага:

• Методы прмышленнрой сортиментации леса на корне — 2-е изд.— М., Л., 1957.
• Новое в технике лесной таксации — М., 1966.
• Лесная таксация — 2-е изд. — М., 1967.

Зноскі

1. Василий Кириллович Захаров (к 45-летию научно-педагогической деятельности и 70-летию со дня рождения // Сборник научных работ по лесному хозяйству. Выпуск VI. / Академия наук Белорусской ССР. Институт леса. — Мн.: Издательство Академии наук БССР, 1955. — С. 239—240. (руск.)