Васіль Сцяпанавіч Серафімаў

Васіль Сцяпанавіч Серафімаў (нар. 19 студзеня 1897, в. Забелле, Полацкі раён, Віцебская вобласць — 1972) — беларускі эканаміст, палітычны дзеяч і дзяржаўны дзеяч, арганізатар адукацыі, краязнавец. Кандыдат эканамічных навук (1952), дацэнт (1952). Удзельнік Вялікай Айчыннай вайны.

Васіль Сцяпанавіч Серафімаў
Дата нараджэння	19 студзеня 1897(1897-01-19)
Месца нараджэння	Забелле 1, Лепельскі павет, Віцебская губерня, Расійская імперыя
Дата смерці	1972
Грамадзянства	Расійская імперыя  СССР
Род дзейнасці	выкладчык універсітэта, дзяржаўны дзеяч, краязнавец
Месца працы	Мсціслаўскі педагагічны тэхнікум[d] Брэсцкі дзяржаўны ўніверсітэт імя А. С. Пушкіна
Навуковая ступень	кандыдат эканамічных навук (1952)
Навуковае званне	дацэнт (1952)
Альма-матар	педагагічны факультэт БДУ (1925)
Узнагароды

Біяграфія

Скончыў Беларускі дзяржаўны ўніверсітэт (педагагічны факультэт, гістарычнае аддзяленне, 1925), курсы дысертантаў Акадэміі грамадскіх навук пры ЦК УКП(б) (1951).

Працаваў у Бабруйскім акруговым аддзеле адукацыі (1925—1926), Мінскім акруговым палітпрасвеце (1926—1927), Мсціслаўскім педагагічным тэхнікуме (1927—1930), АН БССР (1930—1933), Дзяржаўным навукова-даследчым аўтадарожным інстытуце Галоўнага ўпраўлення шашэйных і грунтавых дарог і аўтатранспарту БССР, Горацкай МТС (1933—1935), Горацкім райкаме КПБ (1935—1937), Народным камісарыяце асветы БССР (1937), СШ № 27 г. Віцебска (1939), Віцебскім абкаме КПБ (1939—1941, 1946—1952), Брэсцкім дзяржаўным педагагічным інстытуце імя А. С. Пушкіна (1952—1972, дацэнт, загадчык кафедры марксізму-ленінізму, кафедры філасофіі і палітэканоміі, у 1952—1958 — дырэктар інстытута).

Навуковыя інтарэсы: эканамічная тэорыя; краязнаўства.

Друкаваўся ў часопісе «Наш край». У 1960-х гадах напісаў успаміны пра Янку Купалу (друкаваліся ў часопісе «Полымя»).

Узнагароды

Ордэны Чырвонай Зоркі (1942, 1967), Айчыннай вайны II ступені (1944), «Знак Почета» (1949) і інш.

Бібліяграфія

• Вопросы социалистической индустриализации в трудах И. В. Сталина : автореферат диссертации … кандидата экономических наук / Серафимов В. С. — Москва, 1951.

Зноскі