Васіль Фёдаравіч Праскураў

Васіль Фёдаравіч Праскураў (25 жніўня 1926, в. Негаціна, Дубровенскі раён, Віцебская вобласць — 22 мая 1987, Ганцавічы, Брэсцкая вобласць) — беларускі пісьменнік, публіцыст. Заслужаны дзеяч культуры Беларусі (1968).

Васіль Фёдаравіч Праскураў
Асабістыя звесткі
Дата нараджэння	25 жніўня 1926(1926-08-25)
Месца нараджэння	Негаціна, Негацінскі сельсавет, Дубровенскі раён, Аршанская акруга, Беларуская ССР, СССР
Дата смерці	22 мая 1987(1987-05-22) (60 гадоў)
Месца смерці	Ганцавічы, Ганцавіцкі раён, Брэсцкая вобласць, Беларуская ССР, СССР
Пахаванне	Ганцавічы
Альма-матар	Брэсцкая гандлёва-кааператыўная школа[d] аддзяленне журналістыкі філалагічнага факультэта БДУ (1964)
Прафесійная дзейнасць
Род дзейнасці	публіцыст, літаратуразнавец, пісьменнік
Мова твораў	беларуская
Узнагароды	Дзяржаўная прэмія БССР імя П. М. Лепяшынскага[d] (1986)

У Вікіпедыі ёсць артыкулы пра іншых людзей з прозвішчам Праскураў (значэнні).

Біяграфія

Нарадзіўся ў сялянскай сям’і. Напярэдадні Вялікай Айчыннай вайны скончыў Сваташыцкую няпоўную сярэднюю школу. У 1945 прызваны ў Савецкую Армію. Да 1950 служыў карэспандэнтам армейскай газеты «За честь Родины» ў Аўстрыі, Венгрыі і Германіі. У 1950—1958 — старшыня Ганцавіцкага райспажыўсаюза, экстэрнам скончыў Брэсцкую гандлёва-кааператыўную школу. У 1964 завочна скончыў факультэт журналістыкі Беларускага дзяржаўнага ўніверсітэта імя У. І. Леніна. У 1958—1962 — працаваў у ляхавіцкай раённай газеце «Будаўнік камунізму», з 1966 — рэдактар газеты «Савецкае Палессе». Член Саюза пісьменнікаў СССР (1987). Узнагароджаны медалямі. Заслужаны дзеяч культуры БССР (1968). Першы літаратурна-крытычны артыкул апублікаваў у 1950. Лаўрэат Дзяржаўнай прэміі БССР імя П. М. Лепяшынскага (1986) за кнігу «Пакланіся зямлі-карміцельцы». У Ганцавічах на доме, дзе ён жыў Архівавана 13 чэрвеня 2016., і на будынку рэдакцыі, у якой працаваў Архівавана 16 лістапада 2015., у яго гонар устаноўлены мемарыяльныя дошкі. Яго імя носяць цэнтральная раённая бібліятэка і вуліца, на якой жыў пісьменнік.

Да святкавання 90-годдзя з дня нараджэння на сайце УК «Ганцавіцкі раённы краязнаўчы музей» створана віртуальная выстаўка Васіль Праскураў. «На зямлі сярод людзей» Архівавана 27 сакавіка 2018..

Творы

Аўтар кніг публіцыстыкі «Святая сівізна» (1966), «Трое з-за Лані» (1967), «Людзі-суседзі» (1974), «Пакажы чалавеку дарогу» (1979), «Пакланіся зямлі-карміцельцы» (1982), «Чорны хлеб» (1984).

Літарaтура

• Праскураў Васіль Фёдаравіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13). — С. 17—18.