Ваўкавічы (Талачынскі раён)

У паняцця ёсць і іншыя значэнні, гл. Ваўкавічы.

Ваўкаві́чы^[1] (трансліт.: Vaŭkavičy, руск.: Волковичи) — вёска ў Талачынскім раёне Віцебскай вобласці. Уваходзіць у склад Аболецкага сельсавета.

Вёска Ваўкавічы Краіна Беларусь Вобласць Віцебская Раён Талачынскі Сельсавет Аболецкі Каардынаты 54°32′46″ пн. ш. 29°59′15″ у. д.HGЯO Насельніцтва ▼6 чал. (2019) Часавы пояс UTC+3 Тэлефонны код +375 2136 Паштовыя індэксы 211062 Аўтамабільны код 2 СААТА 2246825012 Ваўкавічы Ваўкавічы

Да 2004 года ўваходзіла ў склад Алёнавіцкага сельсавета^[2].

Гісторыя

Да 1435 года «дварэц» Ваўкавічы ў складзе Рэпухаўскага маёнтка князя Аляксандра Адзінцэвіча, па ім званага Рэпухаўскім, які на баку вялікага князя Свідрыгайлы браў удзел у бітве пад Вількамірам і пасля паразы з’ехаў разам з сынам да Масквы.

Вялікі князь Жыгімонт канфіскаваў Рэпухаўскі маёнтак і надаў літоўскаму пану Юшку Гойцавічу. Пан Юшка завяшчаў сваю «выслугу на вялікім князю Жыгімонце» — «двор» Рэпухаў з «дварцом» Ваўкавічы, «дварцом» Мілотынню, даннікамі Капеньчычамі, даннікамі на Белай^[3] і даннікамі Шырневічамі — жонцы Ганне Даўгірдаўне. Пані Ганна, пасля смерці пана Юшкі, другім разам выйшла замуж за пана Івана Іллініча і ў 1481 годзе падарыла яму спадчыну па першым мужы^[4].

Славутасці

• Курганны могільнік (XI ст.) —  Гісторыка-культурная каштоўнасць Беларусі, шыфр 213В000758шыфр 213В000758 У трох групах агулам захавалася не меней за 60 курганаў.