Ваўкалацкі сельсавет

Ваўкала́цкі сельсавет — былая адміністрацыйна-тэрытарыяльная адзінка ў складзе Вілейскага раёна Мінскай вобласці Беларусі. Цэнтр — вёска Ваўкалатка.

Ваўкалацкі сельсавет
Краіна	Беларуская ССР
Уваходзіў у	Вілейскі раён
Уключаў	12 населеных пунктаў
Адміністрацыйны цэнтр	Ваўкалатка
Дата ўтварэння	12 кастрычніка 1940
Дата скасавання	4 красавіка 1973

Утвораны 12 кастрычніка 1940 года ў складзе Крывіцкага раёна Вілейскай вобласці БССР. З 20 верасня 1944 года ў складзе Маладзечанскай вобласці. 16 ліпеня 1954 года да сельсавета далучана тэрыторыя скасаванага Бубнаўскага сельсавета^[1]. З 20 студзеня 1960 года ў складзе Мінскай вобласці. З 25 снежня 1962 года ў Вілейскім раёне. 4 красавіка 1973 года скасаваны^[2], тэрыторыя далучана да Даўгінаўскага сельсавета^[3].

На момант скасавання ў склад сельсавета ўваходзілі 12 населеных пунктаў: вёскі Баравыя, Бубны, Ваўкалатка, Ворнаўка, Вострава, Габітацыя, Дзямідкі, Заложына, Зосіна, Крупнікі, Мікуліна і Ясюкоўка.