Вежавіца гладкая

Ве́жавіца гладкая^[1], Вежавіца голая^[2] (Turritis glabra) — від кветкавых раслін з роду Вежавіца (Turritis) сямейства Капуставыя (Brassicaceae).

Вежавіца гладкая
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Капустакветныя Сямейства:  Капуставыя Трыба:  Turritideae Род:  Вежавіца Від:  Вежавіца гладкая
Міжнародная навуковая назва
Turritis glabra L., 1753
Сінонімы
Гл. тэкст
Сістэматыка на Віківідах Выявы на Вікісховішчы ITIS   522994 NCBI   63678 EOL   584139 GRIN   t:316558 IPNI   290916-1 TPL   kew-2431978

Батанічнае апісанне

Батанічная ілюстрацыя з кнігі Яна Копса «Flora Batava», 1800—1934

Аднагадовая, двухгадовая, зрэдку шматгадовая травяністая расліна вышынёй 30—135^[2] см, шызаватага колеру. Сцябло прамастойнае. Лісце сядзячае, чаргаванае па даўжыні сцябла і ў прыкаранёвай разетцы. Лісце простае, суцэльнае. сцябловае лісце авальна-ланцэтнае, прыкаранёвае — ланцэтнае, звужанае да асновы, зубчастае. Кветкі дробныя, жаўтавата-белыя, з чатырма пялёсткамі, у гронкападобных суквеццях. Плод — сухі стручок.

Распаўсюджанне і экалогія

Расліна распаўсюджана на тэрыторыі Еўразіі і горных раёнах Паўночнай Афрыкі. Як заносны від сустракаецца на тэрыторыі ЗША і Канады. Расце на сухіх лугах, палянах і ўзлесках, каля дарог, на пустках. Святлолюбівая расліна. Мезафіт.

Лекавая расліна.

Сінонімы

Паводле сайта The Plant List:

• Arabis crepidiopoda Griseb. ex Pant.
• Arabis excelsa Prokh.
• Arabis glabra (L.) Bernh.
• Arabis glabra var. furcatipilis M.Hopkins
• Arabis glabra var. glabra
• Arabis glabra subsp. pseudoturritis (Boiss. & Heldr.) Maire
• Arabis macrocarpa Torr.
• Arabis perfoliata Lam.
• Arabis pseudoturritis Boiss. & Heldr.
• Arabis turritis Vest
• Crucifera turritis E.H.L.Krause
• Erysimum glabrum Kuntze
• Erysimum glastifolium Crantz
• Psilarabis glabra Fourr.
• Sisymbrium simplicissimum Lapeyr.
• Turritis dregeana Sond.
• Turritis glabra var. lilacina O. E. Schulz
• Turritis macrocarpa Nutt.
• Turritis perfoliata Neck.
• Turritis pseudoturritis (Boiss. & Heldr.) Velen.
• Turritis rigida Wall.
• Turritis stricta Host

Беларускія народныя назвы: палявы лянок, пушнік^[2].

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 134. — 160 с. — 2 350 экз.
2. Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.