Велікамыскі сельсавет

Велікамы́скі сельсавет — былая адміністрацыйна-тэрытарыяльная адзінка ў складзе Смаргонскага раёна Гродзенскай вобласці. Цэнтр — вёска Вялікая Мыса.

Велікамыскі сельсавет
Краіна	Беларуская ССР
Уваходзіў у	Смаргонскі раён
Адміністрацыйны цэнтр	Вялікая Мыса
Дата ўтварэння	12 кастрычніка 1940
Дата скасавання	2 снежня 1961

Утвораны 12 кастрычніка 1940 года як Базарскі сельсавет у складзе Смаргонскага раёна Вілейскай вобласці БССР. Цэнтр — вёска Базары. З 20 верасня 1944 года ў складзе Маладзечанскай вобласці. 16 ліпеня 1954 года цэнтр сельсавета перанесены ў вёску Вялікая Мыса, сельсавет перайменаваны ў Велікамыскі^[1]. З 20 студзеня 1960 года ў складзе Гродзенскай вобласці. 2 снежня 1961 года скасаваны, тэрыторыя далучана да Бялкоўшчынскага сельсавета^[2].