Веньямін Веньямінавіч Пакроўскі

Веньямін Веньямінавіч Пакроўскі (1839 ці 1840, Магілёўская губерня — 15 жніўня 1882) — беларускі архітэктар^[1].

Веньямін Веньямінавіч Пакроўскі
Дата нараджэння	1840 ці 1839
Месца нараджэння	Магілёўская губерня, Расійская імперыя
Дата смерці	15 (27) жніўня 1882
Альма-матар	Пецярбургскае будаўнічае вучылішча (1862)

У Вікіпедыі ёсць артыкулы пра іншых людзей з прозвішчам Пакроўскі.

Біяграфія

Нарадзіўся ў 1839 ці 1840 годзе. Паступіў у Пецярбургскае будаўнічае вучылішча, якое скончыў у 1862 годзе (грамадзянскі інжынер)^[2] з чынам калежскага сакратара^[1].

У 1862 годзе прызначаны на службу малодшым архітэктарам у Віцебскую будаўніча-дарожную камісію^[2]. У 1865 годзе прызначаны малодшым інжынерам Віцебскай губерні^[1].

У 1873 годзе прылічаны да Тэхнічна-будаўнічага камітэта  (руск.) Міністэрства ўнутраных спраў Расійскай імперыі^[1]. У 1876—1878 гадах Полацкі епархіяльны архітэктар^[2].

Памёр на 42 годзе жыцця 15 жніўня 1882 года^[1].

Творчасць

Аўтар праектаў рамонту з частковай рэстаўрацыяй Сафійскага сабора ў Полацку (1869), мураванай царквы для в. Валынцы Верхнядзвінскага раёна (1881)^[2].

Зноскі

1. Барановский Г. В. Юбилейный сборник сведений о деятельности бывших воспитанников Института гражданских инженеров (Строительного училища) 1842—1892. С. 270 (руск.)
2. Пакроўскі Веньямін Веньямінавіч // Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.