Вера Аляксандраўна Сізко

Вера Аляксандраўна Сізко́^[1] (у дзявоцтве Гадлеўская; 2 сакавіка 1916 — 25 сакавіка 1999) — беларускі музыказнавец, музычны крытык, педагог, даследчык беларускага опернага мастацтва, творчасці беларускіх кампазітараў.

Вера Аляксандраўна Сізко
Дата нараджэння	2 сакавіка 1916(1916-03-02)
Месца нараджэння	Дрыса, Дрысенскі павет, Віцебская губерня, Расійская імперыя
Дата смерці	25 сакавіка 1999(1999-03-25) (83 гады)
Грамадзянства	СССР  Беларусь
Род дзейнасці	педагог
Навуковая сфера	музыказнаўства
Месца працы	Беларуская дзяржаўная акадэмія музыкі Першы Нацыянальны канал Беларускага радыё Беларуская дзяржаўная акадэмія мастацтваў Мінскі дзяржаўны музычны каледж імя М. І. Глінкі Беларускі саюз кампазітараў
Альма-матар	Мінскі дзяржаўны музычны каледж імя М. І. Глінкі Ленінградская дзяржаўная кансерваторыя
Узнагароды

У Вікіпедыі ёсць артыкулы пра іншых людзей з прозвішчам Сізко.

Біяграфія

Нарадзілася ў Верхнядзвінску. Скончыла Мінскі музычны тэхнікум і ў 1940 годзе паступіла вучыцца ў Беларускую дзяржаўную кансерваторыю^[2]. У час Вялікай Айчыннай вайны была эвакуіравана ў Свярдлоўск, потым у Ташкент^[2]. У Ташкенце В. А. Сізко паступіла ў Ленінградскую кансерваторыю, якую скончыла ў 1948 годзе ў Ленінградзе і атрымала дыплом гісторыка-педагога^[2]. У 1948—1952 і 1954—1957 гадах выкладала гісторыю рускай музыкі і загадвала вучэбнай часткай у Беларускай дзяржаўнай кансерваторыі імя А. В. Луначарскага і адначасова ў 1948—1974 гадах (з перапынкам)^[1] у Мінскім музычным вучылішчы імя М. І. Глінкі. У 1959—1964 гадах працавала на Беларускім радыё: мастацкі кіраўнік, галоўны рэдактар музычнага вяшчання, старшыня музычна-рэпертуарнай камісіі^[1]. У 1974—1989 гадах выкладала ў Беларускім тэатральна-мастацкім інстытуце^[1]. У 1973—1976 гадах займала пасаду адказнага сакратара Саюза кампазітараў БССР^[2].

Навуковая і творчая дзейнасць

Займалася даследаваннем беларускага опернага мастацтва, творчасці беларускіх кампазітараў, пытаннямі развіцця беларускай музычнай культуры. Публікавала рэцэнзіі на творы беларускіх кампазітараў. Складальнік зборніка артыкулаў пра Р. Шырму, зборніка песень «Спадчына» на вершы Янкі Купалы і Якуба Коласа. Аўтар музычных радыё- і тэлевізійных перадач.

Сярод публікацый:

• Белорусская советская опера. — Мн., 1959.
• И. М. Лученок // Они пишут для детей. Вып. 3. — М., 1980.
• Свет духоўнай музыкі // Мастацтва Беларусі. 1999, № 10.

Зноскі

1. БелЭн 2002.
2. Выставка «Верой и правдой» к 100-летию со дня рождения В. А. Сизко Архівавана 28 снежня 2021. (руск.) // Беларуская дзяржаўная акадэмія музыкі