Вожык (рэпер)

Вожык, сапраўднае імя Дзмітрый Васілевіч Зайко (нар. 22 студзеня 1987, Сянно) — беларускі рэп-выканаўца.

Вожык
Дзмітрый Васільевіч Зайко
Дата нараджэння	22 студзеня 1987(1987-01-22) (38 гадоў)
Месца нараджэння	Сянно, Сенненскі раён, Віцебская вобласць, Беларуская ССР, СССР
Краіна	Беларусь
Музычная дзейнасць
Прафесіі	рэпер
Калектывы	ТА «Лопата»
Супрацоўніцтва	ЛСП, Deech, Zeman, Popa Chief (Wu-Tang Clan[en]), ZnaROCK, Епіцентр Унії[uk]
Лэйблы	Арт Сядзіба, Vigma, БМАgroup

Біяграфія

Працаваў метадыстам па фальклоры^[1], займаўся народнымі танцамі, а таксама стварыў фальклорны гурт «Крывія»^[2] і быў яго мастацкім кіраўніком^[3].

Творчасць

Адзін з самых папулярных рэп-выканаўцаў Беларусі^[1]. Вядомы сваёй палітычнай сатырай і рамантычнай лірыкай^[4].

Пачаў творчую дзейнасць у складзе фармацыі ТА «Лопата» у 2004 годзе^[5].

У 2010 годзе выступіў на конкурснай праграме фестываля «Басовішча»^[6].

У 2011 годзе выпусціў дэбютны альбом «У віры падзей»^[7].

Пасля вялікага перапынку ў 2015 годзе пры падтрымцы «Арт Сядзібы» прадставіў міні-альбом «Лікёры»^[8].

У 2017 годзе вырашыў паспрабаваць свае сілы ў нацыянальным адборы на Еўрабачанне. Для гэтага Вожык запісаў песню «Забі, Божа» ў стылі фолк-хіп-хоп. Асновай трэка стала народная песня, якая была запісаная падчас збору фальклору ў 1997 годзе ў вёсцы Раманоўка Сенненскага раёну^[1].

За дзень да прэзідэнцкіх выбараў 2020 года ў Беларусі выпусціў песню «9 мільёнаў»^[9].

У траўні 2023 года прэзентаваў сваю праграму «Дзевяць мільёнаў» на канцэрце ў Батумі, куды Вожык пераехаў жыць пасля палітычнага пераследу ў Беларусі^[10].

Грамадзянская пазіцыя

У 2020 годзе падпісаў Адкрыты ліст дзеячоў культуры і мастацтва Рэспублікі Беларусь з патрабаваннем перагледзець вынікі прэзідэнцкіх выбараў, спыніць гвалт, адмяніць чорныя спісы і спыніць ціск на дзеячоў культуры, якія не згодныя з палітыкай беларускіх уладаў^[11].

Дыскаграфія

Альбомы

• У віры падзей (2011)^[12].

EP

• Лікёры (2015)^[8].
• Дзевяць мільёнаў (Частка першая) [Летуценнікі] (2021).

Сінглы

• Бандэра (2014)^[13].
• Абіраем Лукашэнку (2015)^[14].
• Забі, Божа (2017)^[15].
• Дзевяць мільёнаў (2020)^[16].

Кліпы

• Вожык п/у F.L. — На Дняпры (2011)^[17].

Удзел у іншых рэлізах

• ТО Лопата — Привет, кузен! (2009)^[18].
• Zeman — Апельсин (2010)^[19].
• ТО Лопата — Кап-кап (2012)^[20].
• Складанка беларускамоўнай рэп-музыкі «Жалуды» (2013)^[21].
• ZnaROCK — Авітаміноз (2014)^[22].
• Zeman — Коска (2014)^[23].
• Складанка «Сёмы Прэм’ер Тузін» (2014)^[24].