Вольга Аляксандраўна Шпілеўская

Вольга Аляксандраўна Шпілеўская (нар. 6 студзеня 1976(1976-01-06)) — беларуская журналістка, грамадская дзеячка. Дырэктар прадстаўніцтва МТРК «Мір» у Беларусі. Старшыня Беларускага саюза жанчын (з 2022 года). Член Прэзідыума Усебеларускага народнага сходу (з 2024 года).

Вольга Аляксандраўна Шпілеўская
Член Прэзідыума Усебеларускага народнага сходу з 25 красавіка 2024
Прэзідэнт	Аляксандр Лукашэнка
Кіраўнік урада	Раман Галоўчанка
Старшыня Беларускага саюза жанчын з 13 ліпеня 2022
Папярэднік	Алена Богдан
Нараджэнне	6 студзеня 1976(1976-01-06) (49 гадоў)
Партыя	беспартыйны
Адукацыя	факультэт журналістыкі БДУ

Біяграфія

Нарадзілася 6 студзеня 1976 года.

У 1998 годзе скончыла факультэт журналістыкі Беларускага дзяржаўнага ўніверсітэта па спецыяльнасці «Журналістыка». Будучы студэнткай прыйшла працаваць у Белтэлерадыёкампанію, дзе дайшла да кіраўніцы карэспандэнцкай сеткі Агенцтва тэлевізійных навінаў.

3 ліпеня 2015 года прызначана галоўным рэдактарам газеты «Мінская праўда»^[1].

У 2017 годзе ўзначаліла Нацыянальны прэс-цэнтр. З 2018 года па май 2021 года працавала начальнікам галоўнага ідэалагічнага ўпраўлення Адміністрацыі Прэзідэнта Рэспублікі Беларусь^[2].

У пачатку снежня 2021 года ўзначаліла прадстаўніцтва Міжнароднай тэлерадыёкампаніі «Мір» у Беларусі^[3].

У ліпені 2022 года абрана старшынёй Беларускага саюза жанчын^[4], у сакавіку 2023 года аднагалосна пераабрана на гэтую пасаду^[5]

З 25 красавіка 2024 года — член Прэзідыума Усебеларускага народнага сходу.