Вольга Юр’еўна Бялова

У Вікіпедыі ёсць артыкулы пра іншых людзей з прозвішчам Бялова.

Вольга Юр’еўна Бялова (руск.: Ольга Юрьевна Белова; нар. 1985, Магілёў) — беларуская паэтэса, драматург.

Вольга Юр’еўна Бялова
Асабістыя звесткі
Дата нараджэння	1985
Месца нараджэння	Магілёў, Магілёўская вобласць, Беларуская ССР, СССР
Грамадзянства	Беларусь
Альма-матар	Беларускі дзяржаўны ўніверсітэт культуры і мастацтваў (2008)
Месца працы	Магілёўскі дзяржаўны каледж мастацтваў
Прафесійная дзейнасць
Род дзейнасці	паэтка, драматург
Грамадская дзейнасць
Член у	Саюз пісьменнікаў Беларусі

Біяграфія

Вольга Бялова нарадзілася ў 1985 годзе ў Магілёве.

У 2008 годзе скончыла Беларускі дзяржаўны ўніверсітэт культуры і мастацтваў па спецыяльнасці «‎літаратурная праца (драматургія)»‎. Працавала настаўнікам па класе тэатра і кіраўніком узорнай тэатральнай студыі «В точку!» дзяржаўнай установы адукацыі «‎Магілёўская дзіцячая школа мастацтваў № 1».^[1]

Піша на рускай і беларускай мовах. Друкавалася ў газетах і часопісах «‎Магілёўскія ведамасці», «‎Літаратура і мастацтва», «‎Нёман»‎, «‎Маладосць»‎, у калектыўных зборніках Саюза пісьменнікаў Беларусі «‎Прыдняпроўе: Магілёўшчына літаратурная».‎^[2]

У 2015 годзе выйшла першая кніга Вольгі Бяловай «Шчасце» — зборнік вершаў і п’ес на рускай і беларускай мовах. У 2016 годзе выйшла другая кніга вершаў «29».^[3][4] Член Саюза пісьменнікаў Беларусі з 2016 года.

Вольга Бялова перамагла на ўсерасійскім конкурсе «Лапа Азора-2016».^[5][6]

П’еса пісьменніцы «Прыгоды Заранкі і Янкі» ішла ў Нацыянальным акадэмічным драматычным тэатры імя Янкі Купалы ў 2008 годзе.^[7] Спектакль, пастаўлены ў 2010 годзе па матывах п’есы Вольгі Бяловай «Пчолка Зуза», уваходзіць у рэпертуар Магілёўскага абласнога тэатра лялек.^[8]

У 2022 годзе выйшла інтэрв’ю на тэлеканале Беларусь 3 у аўтарскай перадачы Навума Гальперовіча «Суразмоўцы».^[9]

У 2025 годзе ў выдавецкім доме «Звязда» выйшла казачна-таямнічая гісторыя Вольгі Бяловай «Савелій, Ліхтарык і Чароўная фарбачка».^[10]

Вольга Бялова працуе выкладчыцай у ‎Магілёўскім дзяржаўны каледжы мастацтваў‎, кіраўніком тэатра «‎Атмасфера»‎.

Узнагароды

• Прызёр Усерасійскага конкурсу «Лапа Азора»(2016)^[11][3]
• Прэмія Магілёўскага гарадскога выканаўчага камітэта «Дасягненне» ў намінацыі «Літаратурная дзейнасць» (2017)
• Прэмія аблвыканкама ў сацыяльнай сферы ў намінацыі «Культура і мастацтва» (2019)^[1]
• Лаўрэат Прэміі Беларускага прафесійнага саюза работнікаў культуры, інфармацыі, спорту і турызму ў сферы культуры і мастацтва за 2021 год у намінацыі «Тэатральнае, экраннае, цыркавое мастацтва»^[12]

Кнігі

• Шчасце
• 29
• Настроение осень
• Савелій, Ліхтарык і Чароўная фарбачка