Гранд-Жат

Гранд-Жат (фр.: Île de la Jatte) — востраў на Сене, прыблізна 2 км даўжынёй, размешчаны ў О-дэ-Сен паміж Нёі-сюр-Сен і Левалуа-Перо з аднаго боку і Курбевуа з іншага боку. Паўднёвая частка вострава належыць да камуны Нёі-сюр-Сен, а паўночная да камуны Левалуа-Перо.

Гранд-Жат
фр. Île de la Jatte
Размяшчэнне
48°53′44″ пн. ш. 2°16′07″ у. д.HGЯO
Медыяфайлы на Вікісховішчы

Нядзельны дзень на востраве Гранд-Жат, Жорж-П’ер Сёра, 1884—1886, Інстытут мастацтваў, Чыкага

Геаграфія і гісторыя

Востраў Жат перасечаны двума мастамі — мостам Левалуа на паўночным ускрайку і мостам Курбевуа ў сярэдзіне. На востраве Жат, які раней насіў імя Гранд-Жат, пабудаваны жылы квартал. На востраве таксама размешчаны гарадскія паркі, з якіх сад храма Кахання знаходзіцца на поўдні і злучаны з правым берагам (Нёі-сюр-Сен) пераходам, а парк вострава Жат размешчаны на паўночным ускрайку вострава разам з пчальнікамі і музеем Сены.

Востраў Жат з’яўляецца адным з фешэнебельных і дарагіх месцаў Парыжа. Вядомы як месца жыхарства многіх парыжскіх знакамітасцяў. Нікаля Сарказі жыў там са сваёй былой жонкай. Многія вядомыя акцёры, спевакі, журналісты пражываюць на востраве.

Адлюстраванне ў мастацтве

Востраў стаў знакаміты дзякуючы карціне Жоржа Сёра «Нядзельны дзень на востраве Гранд-Жат», завершанай мастаком у маі 1886 года, якая знаходзіцца цяпер у Інстытуце мастацтваў у Чыкага.

• 
  Figures assises, 1884
• 
• 
  Groupe de personnages, 1884-1885
• 

Спасылкі

• На Вікісховішчы ёсць медыяфайлы па тэме Гранд-Жат