Вулька Застаўская

Ву́лька Заста́ўская^[1] (трансліт.: Vuĺka Zastaŭskaja, руск.: Вулька Заставская) — вёска ў Брэсцкім раёне Брэсцкай вобласці. Уваходзіць у склад Мухавецкага сельсавета. Размешчана за 12 км на паўднёвы ўсход ад Брэста.

Вёска Вулька Застаўская Краіна Беларусь Вобласць Брэсцкая Раён Брэсцкі Сельсавет Мухавецкі Каардынаты 52°03′15″ пн. ш. 23°49′39″ у. д.HGЯO Насельніцтва ▼24 чал. (2009) Часавы пояс UTC+3 Тэлефонны код +375 16(2) Паштовы індэкс 225042 Аўтамабільны код 1 Вулька Застаўская Вулька Застаўская Вулька Застаўская

У складзе дзяржаўнага ўнітарнага сельскагаспадарчага прадпрыемства «Племзавод «Мухавец» (цэнтр — пас. Мухавец).

Гісторыя

У 19 стагоддзі вёска ў Брэсцкім павеце Гродзенскай губерні. Уваходзіла ў склад маёнтка Горны, належала памешчыку Такарскаму. У канцы 19 стагоддзя ў Косіцкай воласці Брэсцкага павета Гродзенскай губерні, хлебазапасны магазін, карчма.

Паводле Рыжскага мірнага дагавора 1921 года ў складзе Польшчы, у Камянец-Жыровіцкай гміне Брэсцкага павета Палескага ваяводства.

З 1939 года ў складзе БССР. У Вялікую Айчынную вайну 4 вяскоўцы загінулі, 2 прапалі без вестак.

Насельніцтва

• 77 рэвізскіх душ (1870)
• 65 двароў, 460 жыхароў (1876)
• 171 жыхар (1905)
• 6 двароў, 64 жыхары (30.9.1921)
• 18 гаспадарак, 25 жыхароў (2005)

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)