Беларуская вуліца (Мінск)

Вуліца Беларуская — вуліца ў Ленінскім раёне Мінска. Ранейшая назва - Круглая^[1].

Беларуская Мінск
Агульная інфармацыя
Краіна	Беларусь
Горад	Мінск
Раён	Ленінскі раён
Працягласць	0,8 км
Найбліжэйшыя станцыі метро	Плошча Леніна, Першамайская
Ранейшыя назвы	Круглая

У паняцця ёсць і іншыя значэнні, гл. Беларуская вуліца.

Размяшчэнне

На большай частцы сваёй даўжыні арыентавана з паўночнага захаду на паўднёвы ўсход. Пачынаецца ад скрыжавання з вуліцай Ульянаўская, з паўднёвага захаду прымыкае Круглы завулак, каля чыгуначных пуцей вуліца паварочвае і цягнецца на ўсход да стадыёна БДТУ. Даўжыня вуліцы складае каля 800 м.

Забудова

Цотны бок

• № 2 (Ульянаўская № 23) — Пасольства Рэспублікі Малдова.
• № 4 — Пасольства Лівіі.

Няцотны бок

• № 19 — інтэрнат № 4 БДТУ (1973).
• № 21 — інтэрнат № 5 БДТУ, 15-павярховы будынак блокавага тыпу з 212 жылымі блокамі (424 пакоямі). Уведзены ў эксплуатацыю ў 1978 годзе. У 2011—2013 гг. праведзена цеплавая рэабілітацыя і мадэрнізацыя будынка без адсялення студэнтаў^[2].

Паркі

Вуліца цягнецца ўздоўж водна-зялёнага дыяметра Мінска, каля скрыжавання з вуліцай Ульянаўская размешчаны Ляхаўскі сквер.

Славутасці

• Мемарыяльная дошка падпольшчыкам на доме № 21. Устаноўлена ў 1984 г. (архіт. Б. Сідарэнка; сілумін). Паблізу сучаснага будынка інтэрната ў Вялікую Айчынную вайну знаходзіўся дом (былы 1-ы Беларусі завулак, 6), у якім у 1941—1943 гадах размяшчалася канспірацыйная кватэра Мінскага падпольнага гаркама КП(б)Б. У доме жыў актыўны ўдзельнік Мінскага камуністычнага падполля, выпускнік 20-й школы горада, камсамолец З. З. Гало (псеўданімы Зорык, Максім)^[3].

Зноскі

1. Переименования улиц Минска
2. БГТУ. Общежитие № 5 Архівавана 29 кастрычніка 2016.
3. Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1988. — Мінск. — 333 с.: іл. — ISBN 5-85700-006-8.