Вуліца Грышына (Магілёў)

Вуліца Грышына (руск.: улица Гришина) — вуліца ў паўночна-ўсходняй частцы Магілёва. Размешчана ў Ленінскім раёне.

Грышына Магілёў
Агульная інфармацыя
Краіна	Беларусь
Рэгіён	Магілёўская вобласць
Горад	Магілёў
Раён	Ленінскі раён
Працягласць	4050 м
Ранейшыя назвы	Чалябінская вуліца Артылерыйская вуліца
Медыяфайлы на Вікісховішчы

У паняцця ёсць і іншыя значэнні, гл. Вуліца Грышына.

Гісторыя

Першапачаткова насіла назвы Чалябінская, Артылерыйская. У 1965 годзе названа ў гонар савецкага военачальніка І. Ц. Грышына.

Размяшчэнне

Мае дугападобную форму. Пачынаецца ад Прывакзальнай плошчы са скрыжавання з вуліцай Першамайскай, перасякае завулак Уладзімірава, вуліцы Крупскай, Дарожную, Ленінскую, з поўдня прымыкаюць Чалябінскі 1-ы, 2-і і 3-і завулкі, завулак Бярозаўскі, з поўначы — вуліца 30 гадоў Перамогі, кругавое скрыжаванне з праспектам Міру, які прымыкае з паўднёвага захаду. Пераходзіць у вуліцу вёскі Палавінны Лог. Даўжыня вуліцы складае каля 4050 м.

Забудова

Сучаснае аблічча вуліцы пачало фарміравацца ў канцы 1960-х гадоў. Ад вуліцы Першамайскай да 3-га Чалябінскага завулка забудавана прыватнымі дамамі сядзібнага тыпу, далей пераважаюць 5-, 9-павярховыя жылыя дамы.

Няцотны бок

Спартыўны комплекс «Алімпіец»

• № 55 — Сярэдняя школа № 25
• (вуліца 30 гадоў Перамогі, 1а) — спартыўны комплекс «Алімпіец»
• № 87 — Дом культуры тэкстыльшчыкаў «Магатэкс» (1983)

Цотны бок

• № 82 — Магілёўскі абласны цэнтр гігіены, эпідэміялогіі і грамадскага здароўя
• (праспект Міру, 42) — Магілёўліфтмаш
• № 96 — Тэхнапрыбор

Славутасці

Устаноўлены мемарыяльныя дошкі Грышыну (дом № 3) і К. Р. Уладзіміраву (д № 2).

Зноскі