Вуліца Сасноўка (Наваполацк)

Вуліца Сасноўка^[1] (трансліт.: vulica Sasnoŭka, руск.: улица Сосновка) — вуліца ў Наваполацку.

Вуліца Сасноўка Наваполацк
Агульная інфармацыя
Краіна	Беларусь
Горад	Наваполацк
Працягласць	370 м
Паштовы індэкс	211501
Нумары тэлефонаў	+375214

Апісанне

Размешчана ў паўднёва-ўсходняй частцы горада ў раёне катэджнай забудовы (т.зв. пасёлак «Паліміраўскі») на поўдзень ад 8-га мікрараёна. Цягнецца з поўдня на поўнач ад вуліцы Залюхаўскай да вуліцы Траецкай, перасякаючы вуліцы Дручанскую і Паліміраўскую. Працягласць вуліцы складае 370 метраў.

Узнікла ў 1990-х — пачатку 2000-х гадоў у выніку актыўнага будаўніцтва заводам «Палімір» для сваіх супрацоўнікаў двухпавярховых блакаваных панэльных дамоў сядзібнага тыпу на дзве сям’і. Дамы мелі люстэркавае планаванне і ўваходы з процілеглых бакоў дома. Рух грамадскага транспарту па вуліцы не ажыццяўляецца.

Гл. таксама

• Спіс вуліц Наваполацка