Вуліца Сурганава (Мінск)

Вуліца Сурганава — вуліца ў Савецкім і Першамайскім раёнах Мінска, частка другога гарадскога кольца. Названа ў гонар Фёдара Анісімавіча Сурганава (1911—1976), савецкага дзяржаўнага і палітычнага дзеяча, аднаго з арганізатараў і кіраўнікоў партызанскага руху Беларусі, старшыні прэзідыума Вярхоўнага Савета БССР, намесніка старшыні прэзідыума Вярхоўнага Савета СССР.

Сурганава Мінск
Агульная інфармацыя
Краіна	Беларусь
Горад	Мінск
Працягласць	2,75 км
Найбліжэйшыя станцыі метро	Акадэмія навук
Тралейбусныя маршруты	29, 33, 34, 35, 37, 38, 55, 61, 68, 92
Аўтобусныя маршруты	20с, 37, 46, 59, 76э
Назва ў гонар	Фёдар Анісімавіч Сурганаў
Дзяржаўныя ўстановы	Цэнтральная навуковая бібліятэка імя Я. Коласа НАН Беларусі
Медыяфайлы на Вікісховішчы

У паняцця ёсць і іншыя значэнні, гл. Вуліца Сурганава.

Вуліца Сурганава бярэ пачатак ад скрыжавання з вуліцай Акадэмічнай і заканчваецца на плошчы Бангалор.

Забудова

Вышынны будынак грамадскіх інстытутаў НАН Беларусі ў забудове

Універсам «Рыга» да перабудовы

Будынак інстытутаў Белдзіпрадар і Дзіпрасувязь

• № 1, карпусы 1, 2 — Інстытут філасофіі, Інстытут сацыялогіі, Цэнтр даследавання беларускай культуры, мовы і літаратуры НАН Беларусі. Будынак^[d] узведзены у комплексе інстытутаў аддзялення грамадскіх навук Акадэміі навук БССР (архітэктары А. Духан, А. Красоўскі, Л. Хаюцін, В. Кісель)^[1].
• № 2А — Палац воднага спорту (1967, архітэктар В. Ладыгіна)^[1].
• № 6 — Аб’яднаны інстытут праблем інфарматыкі НАН Беларусі.
• № 9 — Інстытут агульнай і неарганічнай хіміі НАН Беларусі
• № 11 — Інстытут матэматыкі НАН Беларусі
• № 13 — Інстытут фізіка-арганічнай хіміі НАН Беларусі
• № 24, 26, 28 — будынак Белдзіпрадара і Дзіпрасувязі (архітэктары У. Пушкін, А. Назараў, А. Сабалеўскі)^[1].
• № 50 — універсам «Рыга» (архітэктары Я. Дзятлаў, А. Жалдакоў)^[1].

Цікавыя факты

У ноч на 11 жніўня 2020 года падчас пратэстаў ля ўніверсама «Рыга» на скрыжаванні вуліц Сурганава і Бяды былі спробы пабудаваць барыкады і абараняць іх ад АМАПа. У выніку барыкады былі разбураны вадамётамі, а некаторыя пратэстуючыя і жыхары навакольных дамоў і інтэрнатаў пацярпелі ад гумавых куляў і светлашумавых гранат.