Фёдар Анісімавіч Сурганаў

Фё́дар Ані́сімавіч Сурга́наў (7 чэрвеня 1911, в. Суднікі, Віцебскі раён — 26 снежня 1976) — дзяржаўны і палітычны дзеяч Беларусі, адзін з арганізатараў і кіраўнікоў падполля і партызанскага руху на Беларусі ў Другую сусветную вайну.

Фёдар Анісімавіч Сурганаў
4-ы Старшыня Прэзідыума Вярхоўнага Савета БССР 16 ліпеня 1971 — 26 снежня 1976
Кіраўнік урада	Ціхан Кісялёў
Папярэднік	Сяргей Прытыцкі
Пераемнік	Іван Палякоў
Другі сакратар ЦК КПБ 30 сакавіка 1965 — 16 ліпеня 1971
Папярэднік	Пётр Машэраў
Пераемнік	Аляксандр Аксёнаў
Першы сакратар Мінскага абласнога камітэта КП Беларусі кастрычнік 1955 — жнівень 1956
Кіраўнік урада	Кірыл Мазураў Мікалай Аўхімовіч
Папярэднік	Леанід Лубеннікаў
Пераемнік	Васіль Шавура
Старшыня Мінскага аблвыканкама ліпень 1954 — кастрычнік 1955
Кіраўнік урада	Кірыл Мазураў
Папярэднік	Мікалай Абраменка
Пераемнік	Уладзімір Міцкевіч
Нараджэнне	7 чэрвеня 1911(1911-06-07) Суднікі, Мазалаўскі сельсавет, Віцебскі раён, Беларусь
Смерць	26 снежня 1976(1976-12-26) (65 гадоў) Брэсцкая вобласць, Беларуская ССР, СССР
Месца пахавання	Усходнія могілкі
Партыя	КПСС (з 1940)
Член у	ЦК КПСС
Адукацыя	Лужаснянскі сельскагаспадарчы тэхнікум (1931) Беларускі сельскагаспадарчы інстытут (1939)
Бітвы	Вялікая Айчынная вайна
Узнагароды	Медаль «У азнаменаванне 100-годдзя з дня нараджэння Уладзіміра Ільіча Леніна» Медаль «За доблесную працу ў Вялікай Айчыннай вайне 1941-1945 гг.» Медаль «50 гадоў Узброеных Сіл СССР»

Біяграфія

Скончыў Беларускі сельскагаспадарчы інстытут (1939). У 1931—1934 гг. аграном у сістэме Наркамзема БССР.

З 1939 г. на камсамольскай рабоце, у 1942—1945 гг. сакратар ЦК ЛКСМБ. У 1942—1943 гг. у складзе аператыўнай групы ЦК КП(б)Б і БШПР на Калінінскім фронце. У жніўні 1943 — ліпені 1944 гг. у тыле ворага: упаўнаважаны ЦК КП(б)Б і ЦШПР, адзін з кіраўнікоў партызанскага руху і падполля на тэрыторыі Вілейскай, Баранавіцкай і Беластоцкай абласцей.

З 1945 г. намеснік загадчыка аддзела ЦК КП(б)Б. У 1947—1956 гг. 2-і, 1-ы сакратар Мінскага абкама КПБ, старшыня Мінскага аблвыканкама.

Са жніўня 1956 г. сакратар, з красавіка 1959 г. 2-і сакратар ЦК КПБ.

У 1962—1965 гг. старшыня Бюро ЦК КПБ па кіраўніцтве сельскай гаспадаркай.

У 1971—1976 гг. старшыня Прэзідыума Вярхоўнага Савета БССР, намеснік старшыні Вярхоўнага Савета СССР.

Кандыдат у члены ЦК у 1949—1956 гг., член ЦК і Бюро ЦК КПБ у 1956—1976 гг. Кандыдат у члены ЦК у 1956—1961 гг., член ЦК КПСС з 1961 г. Дэпутат Вярхоўнага Савета БССР у 1951—1976 гг., намеснік старшыні Прэзідыума Вярхоўнага Савета БССР у 1955—1971 гг. Дэпутат Вярхоўнага Савета СССР у 1954—1976 гг., намеснік старшыні Савета Нацыянальнасцей Вярхоўнага Савета СССР у 1962—1966 гг.

Загінуў у аўтакатастрофе.

Выбраная бібліяграфія

• Белорусская Советская Социалистическая Республика. — М., 1972.

Ушанаванне памяці

Яго імя прысвоена вуліцы ў Мінску і Лужаснянскаму аграрнаму каледжу.

Літаратура

• Сурга́наў Фёдар Анісімавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 250. — 10 000 экз. — ISBN 985-11-0035-8. — ISBN 985-11-0251-2 (т. 15).
• Расціслаў Платонаў. Сурга́наў Фёдар Анісімавіч // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — С. 448. — 10 000 экз. — ISBN 985-11-0214-8.
• Антонович, С. Роковой кортеж / С. Антонович // 7 дней. — 1994. — 19 февр. — С. 3.
• Антановіч, С. Шлях да трагедыі / С. Антановіч // Звязда. — 1990. — 28 кастр. — С. 4.
• Аўхімовіч, М. Сын народа, салдат партыі: да 70-годдзя з дня нараджэння Ф. А. Сурганава / М. Аўхімовіч // Звязда. — 1981. — 7 чэрв. — С. 3.
• Приходько, А. Таким его мы знали / А. Приходько, М. Шибалио // Рэспубліка. — 1996. — 17 студз. — С. 15.
• Сурганов Фёдор Анисимович // Республика Беларусь : энциклопедия : в 6 т. / редкол.: Г. П. Пашков [и др.]. — Мн., 2008. — Т. 7. — С. 160.