Вынішчы

Вы́нішчы^[1] (трансліт.: Vyniščy, руск.: Вынищи), да 2006 года Вы́нісцы^[2] (трансліт.: Vyniscy, руск.: Вынисцы) — вёска ў Слуцкім раёне Мінскай вобласці. Уваходзіць у склад Покрашаўскага сельсавета.

Вёска Вынішчы Каталіцкая капліца на могілках Краіна Беларусь Вобласць Мінская Раён Слуцкі Сельсавет Покрашаўскі Каардынаты 53°09′14″ пн. ш. 27°35′12″ у. д.HGЯO Насельніцтва ▼181 чал. (2009) Часавы пояс UTC+3 Тэлефонны код +375 1795 Паштовыя індэксы 223648 Аўтамабільны код 5 Вынішчы Вынішчы

Вынішчы на Вікісховішчы

Назва

У часы, калі слуцкія землі былі ў складзе Вялікага Княства Літоўскага, група палякаў за нейкую правіннасць была выселена з Польшчы і паселена асобна ў Слуцкім княстве. Пра іх можна сказаць, што яны былі вынішчаны, бо назаўжды выселены з родных мясцін. Адсюль і атрымала сваю першапачатковую назву Вынішчы.^[3]

Гісторыя

У 1663 г. згадваецца ў складзе Наваградскага ваяводства ВКЛ^[4].

З 1745 года ўзгадваецца капліца.^[5]

Да 1924 года ўваходзіла ў склад Грэскай воласці Слуцкага павета Мінскай губерні.

У 1926 годзе згадваецца школа. Навучанне праходзіла на беларускай або на польскай мове.

Падчас Вялікай Айчыннай вайны вёска ўцалела, як сведчаць мясцовыя жыхары, дзякуючы веры. 19 лютага 1943 года ў вёсцы было пастаўлена пяць крыжоў. Ужо 23 лютага было спалена 9 вёсак, а Вынісцы ацалелі. З таго часу кожны год 19 лютага жыхары сталі хадзіць вакол вёскі, падыходзілі да кожнага крыжа і прасілі, каб Бог засцярог ад вайны. Да крыжоў у Вынісцах і суседніх вёсках засталося асаблівае стаўленне: кожны вернік час ад часу прывязвае да крыжа светлую хустку з вышытым на ёй крыжам.^[6]

У 1993 годзе пабудаваны новы касцёл.

У 2006 годзе вёска Вынісцы была перайменавана ў Вынішчы.^[7]

Насельніцтва

Год	Чалавек
1897	508
1924	690
1998	276

Канфесійны склад насельніцтва

У 1857 годзе ў вёсцы пражываў 181 чалавек каталіцкага веравызнання.^[8]

Паводле перапісу насельніцтва 1897 года, у вёсцы пражывала 107 чалавек праваслаўнага веравызнання, 387 чалавек каталіцкага веравызнання.^[9]

Славутасці

Могілкі

Каменны крыж

• Каталіцкая капліца на могілках (пасля 1990)
• Капліца-надмагілле
• Каменныя крыжы

Зноскі

1. Вынішчы на сайце Дзяржаўнага цэнтра картографа-геадэзічных матэрыялаў і даных Рэспублікі Беларусь
2. Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
3. В. А. Жучкевіч. «Краткий топономическнй словарь Белоруссии». Мінск, выдавецтва БДУ, 1974
4. LVIA, f. SA, b. 2
5. Catholic.by — Вынішчы — парафія Нараджэння Cв. Яна Хрысціцеля
6. Catholic.by — Вынішчы — вёска, якую ў вайну ўратавалі крыжы
7. Перечень изменённых наименований географических объектов Архівавана 26 кастрычніка 2020.
8. Списки населенных мест Минской губ. по уездам, приходам, еврейским обществам со сведениями об их расположении и народонаселении [Дело] : 1857 г. — 1857. — 803 л.. — (Фонд Центрального статистического комитета МВД. Опись № 4). 1. Территория России (коллекция). 2. Населенные места — Минская губерния. С. 340
9. Населенные места Российской империи в 500 и более жителей с указанием всего наличного в них населения и числа жителей преобладающих вероисповеданий, по данным первой всеобщей переписи населения 1897 г. / предисл.: Н. Тройницкий. — Санкт-Петербург : типография «Общественная польза», 1905. — X, 270, 120 с. ; 27. — (Первая всеобщая перепись населения Российской империи 1897 г. / под ред. Н. А. Тройницкого) . — Указ. сокращений, принятых в тексте: с. VII. 1. Население — Вероисповедный состав — Россия — 1897; 2. Население — Переписи — Россия — 1897. С. 118