Віктар Генеў

Віктар Віктараў Генеў (балг.: Виктор Викторов Генев; нар. 27 кастрычніка 1988, Сафія, Балгарыя) — балгарскі футбаліст, абаронца сафійскай «Славіі».

Віктар Генеў
Агульная інфармацыя
Поўнае імя	Віктар Віктараў Генеў
Нарадзіўся	27 кастрычніка 1988(1988-10-27)[1][2] (36 гадоў) Сафія, абшчына Сталічна[d], гарадская вобласць Сафія[d], Балгарыя
Грамадзянства	Балгарыя
Рост	189 см
Вага	83 кг
Пазіцыя	абаронца
Інфармацыя пра клуб
Клуб	Славія
Нумар	4
Клубная кар’ера[* 1]
2007—2010 Леўскі (Сафія) 22 (0) 2007 →  Мантана 14 (0) 2010—2013 Славія (Сафія) 59 (3) 2011 →  Крылы Саветаў (Самара) 2 (0) 2012 →  Александрыя 9 (2) 2014 Спартак (Семей) 29 (1) 2015 Сент-Мірэн (Пейслі) 6 (0) 2015 Петралул (Плаешці) 12 (0) 2016 Дынама (Мінск) 2 (0) 2016 Леўскі (Сафія) 4 (0) 2017 Боцеў (Плоўдзіў) 17 (0) 2017—2018 Ашдод 21 (1) 2018—2019 Чэрна Мора (Варна) 20 (2) 2019—2020 Бярое (Стара-Загора) 7 (0) 2020—2023 Боцеў (Плоўдзіў) 91 (5) 2023— Славія (Сафія) 10 (1)
Нацыянальная зборная[* 2]
2008—2009 Балгарыя (да 21) 12 (1)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 9 кастрычніка 2023. Колькасць гульняў і галоў за нацыянальную зборную ў афіцыйных матчах, адкарэктавана станам на 3 верасня 2017
Медыяфайлы на Вікісховішчы

Клубная кар’ера

Выхаванец клуба «Леўскі», кар’еру пачаў у арэндзе ў клубе другога дывізіёна «Мантана». Вярнуўшыся з арэнды, 19 сакавіка 2008 дэбютаваў у складзе «Леўскі» ў матчы супраць плоўдзіўскага «Лакаматыва» (0:1). У 2009 годзе разам з «Леўскі» стаў чэмпіёнам і ўладальнікам Суперкубка Балгарыі, гуляў у Лізе чэмпіёнаў.

У чэрвені 2010 года перайшоў у іншы сафійскі клуб, «Славію», з якой дайшоў да фінала Кубка Балгарыі. Улетку 2011 года на правах арэнды перайшоў у самарскія «Крылы Саветаў», пазней гуляў ва Украіне за «Александрыю». Улетку 2012 года вярнуўся ў «Славію», гуляў там яшчэ паўтары гады.

У студзені 2014 года падпісаў кантракт з казахстанскім клубам «Спартак» (Семей), які выйшаў у Прэм’ер-лігу. Адгуляўшы сезон у Казахстане, у лютым 2015 года папоўніў склад шатландскага «Сент-Мірэна», але той па выніках сезона 2014/15 страціў месца ў Прэм’ершыпе, пасля чаго Генеў пакінуў клуб. У верасні 2015 года далучыўся да румынскага «Петралула».

У лютым 2016 года падпісаў кантракт з мінскім «Дынама»^[3]. Аднак, у пачатку сезона выбыў з-за траўмы, а пасля аднаўлення не здолеў праявіць сябе ў асноўным складзе, у выніку згуляў толькі ў двух матчах чэмпіянату. 12 ліпеня 2016 года кантракт «Дынама» з абаронцам быў разарваны^[4].

У верасні 2016 года стаў іграком «Леўскі»^[5]. У лютым 2017 года перабраўся ў «Боцеў». Дапамог «Боцеву» выйграць Кубак Балгарыі, калі каманда з Плоўдзіва ў фінале 24 мая 2017 года перамагла «Лудагорац» з лкам 2:1. У жніўні 2017 года перайшоў у ізраільскі клуб «Ашдод». У лістападзе 2018 года вярнуўся ў Балгарыю, стаўшы іграком «Чэрна Мора».

У чэрвені 2019 года перабраўся ў «Бярое» са Стара-Загоры, дзе часцей выхадзіў на замену, а ў чэрвені 2020 года вярнуўся ў «Боцеў», дзе замацаваўся ў складзе. У чэрвені 2023 года перайшоў у сафійскую «Славію».

Міжнародная кар’ера

Выступаў за моладзевую зборную Балгарыі.

Дасягненні

• 01 Чэмпіён Балгарыі: 2008/09
• 03 Бронзавы прызёр чэмпіянату Балгарыі: 2021/22
• Уладальнік Кубка Балгарыі: 2017
• Уладальнік Суперкубка Балгарыі (3): 2007, 2009, 2017