Віктар Жаўняровіч

У Вікіпедыі ёсць артыкулы пра іншых людзей з прозвішчам Жаўняровіч.

Віктар Жаўняровіч (27 жніўня 1913, Чыта — 27 лютага 2005, Францыя) — беларускі мастак і спявак.

Віктар Жаўняровіч
Род дзейнасці	мастак, оперны спявак
Дата нараджэння	27 жніўня 1913(1913-08-27)
Месца нараджэння	Чыта, Забайкальская вобласць, Іркуцкае генерал-губернатарства[d], Расійская імперыя
Дата смерці	27 лютага 2005(2005-02-27) (91 год)
Месца смерці	Ланьі-сюр-Марн[d], дэпартамент Сена і Марна, рэгіён Іль-дэ-Франс, Метраполія Францыі, Францыя[1]
Альма-матар	Кансерваторыя імя М. Карловіча[d] Парыжская Вышэйшая нацыянальная кансерваторыя музыкі і танца[d]

Біяграфія

Нарадзіўся 27 жніўня 1913 года ў Чыце ў Расійскай імперыі у сям’і чыгуначнага служачага, выхадца з беларускай Друі. Бацька быў прызваны на Першую сусветную вайну, адкуль не вярнуўся^[2]. У 1922 годзе з маці вярнуўся ў Беларусь. Вучыўся ў гімназіі імя Л. Сапегі ў Друі, пазней у Кансерваторыі імя М. Карловіча ў Вільні па класе опернага вакалу.

Адначасова займаўся маляваннем, удзельнічаў у выстаўках Таварыства незалежных мастакоў. Быў знаёмы з Фердынандам Рушчыцам, Язэпам Драздовічам, Пётрам Сергіевічам.

Другая сусветная вайна перапыніла навучанне. У 1945 годзе апынуўся ў Францыі, працаваў на складзе паліва звычайным рабочым. Паступіў у Парыжскую кансерваторыю, дзе вучыўся пад кіраўніцтвам прафесара Бернаці, аднак немагчымасць атрымаць стыпендыю змусіла адмовіцца ад навучання. Спяваў і маляваў прыватна. З часам стаў удзельнікам найважнейшых мастацкіх выставак, што ладзіліся ў Парыжы, атрымоўваў узнагароды. Меў персанальную выстаўку, зладжаную БІНіМам у Нью-Ёрку. Тэмы твораў у яго былі ў асноўным беларускія.

Памёр 27 лютага 2005 года ў Францыі.

Зноскі

1. Fichier des personnes décédées

   <a href='https://wikidata.org/wiki/Track:Q80900474'></a>
2. Інтэр’ю з Віктарам Жаўняровічам «Беларус» 1976 № 226—227