Віктар Канстанцін Млечка

Віктар (Віктарын) Канстанцін Млечка (? — да 23 чэрвеня 1679) — дзяржаўны дзеяч Вялікага Княства Літоўскага. Генеральны староста жамойцкі (з 1670).

Віктар Канстанцін Млечка
Герб «Даліва»
Староста жамойцкі 1670 — 1679
Папярэднік	Аляксандр Гіларый Палубінскі
Пераемнік	Казімір Ян Сапега
Смерць	не раней за 2 лютага 1678 і не пазней за 18 мая 1678
Род	Млечкі
Бацька	Ян Млечка
Маці	Фядора Жданаўна[d]
Жонка	Эўфемія з Мышкаў[d][1] і Соф’я з Далмат-Ісайкоўскіх[d][2][3][…]
Дзеці	Канстанцыя з Млечкаў[d], Ян Канстанцін Млечка[d] і Альбрэхт Канстанцін Млечка[d]

Біяграфія

Паходзіў з роду Млечкаў, сын Яна Млечкі, жамойцкага земскага суддзі.

Спачатку вызнаваў кальвінізм, пасля перайшоў у каталіцтва. Служыў пры двары Уладзіслава IV, струкчашы каралеўскі ў 1643, жамойцкі падстароста з 1643, падсудак земскі з 1645, суддзя з 1652, староста з 1670. Пасол на соймы 1648, 1649.

Падпісаў акт Кейданскай уніі 1655 са Швецыяй. У 1656 далучыўся да антышведскага паўстання ў Жамойці, пад Біржамі абраны генеральным палкоўнікам жамойцкага паспалітага рушэння, асабіста камандаваў гусарскай харугвай.

Абраны паслом на соймы 1658, 1661 (на іх прызначаны ў Скарбовы трыбунал Вялікага Княства Літоўскага), 1667, 1668, 1669, 1670. Падтрымліваў групоўку Пацаў.

Валодаў маёнткамі ў Жамойці, Халопенічамі ў Аршанскім павеце.

Быў жанаты з Соф’яй Ісайкоўскай, дачкой вялікага лоўчага літоўскага Караля Пятра Далмата-Ісайкоўскага. Іх дачка Канстанцыя выйшла за троцкага кашталяна Яна Уладзіслава Бжастоўскага і прынесла таму ў пасаг маёнткі сваёй маці, у тым ліку Мосар.