Віктар Мацвеевіч Варламаў

Віктар Мацвеевіч Варламаў (26 мая 1936, г. Мінск — 6 кастрычніка 1996) — беларускі мастак-жывапісец.

Віктар Мацвеевіч Варламаў
Дата нараджэння	26 мая 1936(1936-05-26)
Месца нараджэння	Менск, Беларуская ССР, СССР
Дата смерці	6 кастрычніка 1996(1996-10-06) (60 гадоў)
Месца смерці	Мінск, Беларусь
Грамадзянства	Беларусь
Род дзейнасці	мастак, пейзажыст, партрэтыст
Месца працы	Мінскае мастацкае вучылішча імя А. К. Глебава
Жанр	карціна, пейзаж і партрэт
Вучоба	Маскоўскае абласное мастацкае педагагічнае вучылішча выяўленчых мастацтваў памяці паўстання 1905 года (1956) Беларускі дзяржаўны тэатральна-мастацкі інстытут (1962)
Уплыў	Хаім Майсеевіч Ліўшыц, Віталь Канстанцінавіч Цвірка і Май Вольфавіч Данцыг
Член у	Беларускі саюз мастакоў

У Вікіпедыі ёсць артыкулы пра іншых людзей з прозвішчам Варламаў.

Біяграфія

Нарадзіўся 26 мая 1936 года ў горадзе Мінску. Скончыў Маскоўскае мастацкае вучылішча памяці 1905 года ў 1956 годзе і Беларускі тэатральна-мастацкі інстытут у 1962 годзе. Вучыўся ў Х. Ліўшыца, В. Цвіркі, М. Данцыга^[1].

Удзельнічаў у мастацкіх выставах з 1963 года. У 1962—1979 гадах выкладаў у Мінскім мастацкім вучылішчы^[1].

Член Беларускага саюза мастакоў з 1967 года^[1].

Памёр 6 кастрычніка 1996 года^[1].

Творчасць

«Унутраны дворык». 1980. НЦСМ

Працаваў у галіне жывапісу ў жанрах карціны, пейзажа, партрэта. Сярод асноўных твораў: «У родным горадзе», «Наша вясна», «Стальное ліццё», «Трактаразаводцы. Ударнікі 9-й пяцігодкі», «Праз 30 гадоў», «Сямейны экіпаж», «Мінск. Заходні мост», «Мінск. Няміга», «Мінск. Дом урада», «Мінск. Вуліца Герцэна», «Залатое Падмаскоўе», «Унутраны дворык Кафедральнага сабора», «Дзяўчынка-бібліятэкар», «Народны мастак Беларусі А. Марыкс», «Герой Сац. Працы Р. Ваньковіч», «Аўтапартрэт»^[1].

Творы захоўваюцца ў Нацыянальным мастацкім музеі Беларусі і фондах БСМ^[1].