Віктар Мікалаевіч Ажгірэй

Віктар Мікалаевіч Ажгірэй (нар. 12 ліпеня 1956, г.п.Гарадзішча, Брэсцкая вобласць) — беларускі мастак.

Віктар Мікалаевіч Ажгірэй
Дата нараджэння	12 ліпеня 1956(1956-07-12) (69 гадоў)
Месца нараджэння	Гарадзішча, Гарадзішчанскі раён, Брэсцкая вобласць, Беларуская ССР, СССР
Жанр	манументальна-дэкаратыўнае мастацтва і станковы жывапіс
Вучоба	Мінскае мастацкае вучылішча імя А. К. Глебава (1976) Беларускі дзяржаўны тэатральна-мастацкі інстытут (1983)
Уплыў	Гаўрыла Харытонавіч Вашчанка, Уладзімір Іванавіч Стальмашонак і Алег Уладзіміравіч Хадыка
Член у	Беларускі саюз мастакоў

У Вікіпедыі ёсць артыкулы пра іншых людзей з прозвішчам Ажгірэй.

Біяграфія

Скончыў у 1976 годзе Мінскае мастацкае вучылішча, у 1983 годзе — Беларускі тэатральна-мастацкі інстытут. Вучыўся ў Г. Вашчанкі, У. Стальмашонка, А. Хадыкі. Удзельнік мастацкіх выставак з 1984 года.

Член Беларускага саюза мастакоў з 1993 года. Жыве ў пасёлку Ратамка Мінскай вобласці.

Творчасць

Працуе ў манументальна-дэкаратыўным і станковым жывапісе. Асноўныя творы: інтарсія «Францыск Скарына» ў бібліятэцы імя Ф. Скарыны, г. Барысаў; вітражы «Мінск старажытны, сучасны, святочны» на мінскім заводзе «Ударнік», «Памяць» у Чэрвеньскім краязнаўчым музеі, «Вілейка старажытная, Вілейка сучасная» ў Вілейскім краязнаўчым музеі, а таксама вітражы ў Палацах культуры гарадоў Мазыра і Нясвіжа, энкаўстыка «Асеннія промні» ў Мінскай клінічнай бальніцы; карціны «Свята ў Ратамцы», «Успамін аб Загорску», «Сады Заслаўя», «Восеньскі дзень». Творы знаходзяцца ў музеі фізкультуры і спорту пры Савеце Міністраў Беларусі.

Літаратура

• Ажгірэй Віктар Мікалаевіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.